ءوڭىردىڭ دەنساۋلىق ساقتاۋ سالاسىنداعى اتالمىش جەمقورلىق ارەكەتتەر «جامبىل ادالدىق الاڭى» جوباسى اياسىندا بەلگىلى بولعان.
«جوبا شەڭبەرىندە مەديتسينا مەكەمەلەرىنىڭ قىزمەت كورسەتۋ ساپاسىنا، سىبايلاس جەمقورلىق ارەكەتتەرىنە قاتىستى جاسىرىن ساۋالناما جۇرگىزىلدى. ناتيجەسى ويداعىداي ەمەس. ءتىپتى، ءبىرقاتار قىزمەتكەرلەر «بارماق باستى، كوز قىستى ارەكەتتەرگە» جول بەرەتىندەردىڭ اتىن اتاپ، ءتۇسىن تۇستەگەن. ال ەمدەلۋشىلەردىڭ 22 سى دارىگەرلەردىڭ جۇمىسىنا كوڭىلى تولمايتىن بولىپ شىقتى. دەپارتامەنت ماماندارى بايزاق اۋداندىق ورتالىق اۋرۋحاناسىندا جۇمىسقا جارامدى دەگەن انىقتامانى سونداعى اق حالاتتىلار 4 مىڭ تەڭگەگە ساۋدالاعانىن انىقتاعان»، - دەدى وبلىستىق مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل دەپارتامەنتىنىڭ باسشىسى راۆيل تولەبايەۆ.
بۇدان بولەك، «مەديتسينالىق بىلىكتىلىكتى ارتتىردى» دەگەن سەرتيفيكاتتىڭ باعاسى 55 مىڭ تەڭگە ەكەنى بەلگىلى بولعان. قازىرگى تاڭدا بۇل ىستەرمەن قۇزىرلى ورگاندار اينالىسىپ جاتىر. دەپارتمەنت باسشىسىنىڭ ايتۋىنشا، دەنساۋلىق ساقتاۋ سالاسىن جايلاعان جەمقورلىقتى جويۋعا باعىتتالعان ءىس-شارالار الداعى ۋاقىتتا دا جالعاساتىن بولادى.