جاستار جىلى: بەيجىڭدە ومىراۋداعى سابيلەر قاتىسقان جارىس ءوتتى

فوتو: None
بەيجىڭ. قازاقپارات - بەيجىڭدە قازاقستانداعى جاستار جىلى اياسىندا جەڭىل اتلەتيكادان جارىستار ءوتتى، دەپ حابارلايدى «قازاقپارات» ح ا ا مەنشىكتى ءتىلشىسى.

ءىس- شاراعا قازاقستاندىق ديپلوماتتار، ۇلتتىق كومپانيالاردىڭ وكىلدەرى مەن ولاردىڭ وتباسىلارى - ومىراۋداعى سابيلەر مەن مەكتەپ جاسىنا دەيىنگى بالالار، وقۋشىلار مەن ستۋدەنتتەر قاتىستى.



جارىس 1 جاسقا دەيىنگى نارەستەلەردىڭ 10 مەتر قاشىقتىقتى ەڭبەكتەپ ەڭسەرۋىنەن باستالدى. كەيىن 1-2 جاس، 3-4 جاس، 5 جاس، 6-7 جاس، 8-9 جاس، 10-11 جاس، 12 جانە ودان جوعارى جاستاعى بالالار باق سىنادى.



دودا جەڭىمپازدارى مەن جۇلدەگەرلەرى قازاقستاننىڭ قىتايداعى ەلشىسى شاحرات نۇرىشيەۆتىڭ اتىنان العىس حاتتار مەن سىيلىقتار الدى.



«ەڭ كىشكەنتاي سابيلەردىڭ قاتىسۋىمەن جارىس بيىل ەكىنشى رەت ءوتىپ وتىر. بۇل جاقسى داستۇرگە اينالىپ كەلەدى. بالالار وعان تىنىمسىز دايىندالىپ، باستالۋىن كۇتەدى. مۇنداي سپورتتىق شارالار ۇجىمنىڭ بىرلىگىن نىعايتادى، سالاۋاتتى ءومىر سالتىنا بالا كەزدەن باۋلىپ، پاتريوتتىق سەزىمدى ارتتىرادى»، - دەدى «قازاقپارات» ح ا ا تىلشىسىنە ق ر- دىڭ ق ح ر- داعى ەلشىلىگىنىڭ كەڭەسشىسى اسان الىبايەۆ.



اۆتورى
: سادىق اكەجانوۆ

Сейчас читают