استانادا «انا مەن بالا» اللەياسى اشىلدى

 نۇر- سۇلتان. قازاقپارات - بۇگىن نۇر- سۇلتان قالاسىنىڭ №2 قالالىق بالالار اۋرۋحاناسىنىڭ جانىنان «انا مەن بالا» اللەياسى اشىلدى، دەپ حابارلايدى قازاقپارات ءتىلشىسى.

قاسيەتتى رامازان ايىندا وتكەن شارا ءمۇفتيات ماماندارىنىڭ باتاسىمەن باستالىپ، بالالار اۋرۋحاناسىنىڭ اۋلاسىنا 200 گە جۋىق اعاش وتىرعىزىلدى. بۇل باستامانى قازاقستاننىڭ ىسكەر ايەلدەر قاۋىمداستىعى قولعا العان.

 

«بۇل اكسيا بەرىك وتباسى سيمۆولى ىسپەتتەس. تامىرىن تەرەڭگە جايعان اعاش، شاڭىراعى بيىك وتباسى سياقتى ەمەس پە. سوندىقتان، ءبىز بۇگىن بولاشاققا ارنالعان ىزگى ءىس جاسادىق دەپ ەسەپتەيمىن» ، - دەدى اللەيانىڭ اشىلۋىندا قازاقستاننىڭ ىسكەر ايەلدەر قاۋىمداستىعىنىڭ پرەزيدەنتى راۋشان سارسەمبايەۆا.

 

  

 ايتا كەتەرلىگى، ەلوردادان باستالعان ەستافەتانى قاۋىمداستىقتىڭ 17 وڭىردەگى بولىمشەسى قولدادى. وسىلايشا، بۇگىن 17 قالادا مىڭعا جۋىق كوشەت ەگىلدى.