بۇل تۋرالى ءماجىلىستىڭ باسپا ءسوز قىزمەتىنە سىلتەمە جاساپ قازاقپارات حابارلايدى.
ارنايى پارلامەنتتىك سىيلىق 2016-جىلى پالاتا سپيكەرى نۇرلان نىعماتۋليننىڭ ءتوراعالىق ەتۋىمەن ءماجىلىس بيۋروسىنىڭ شەشىمى بويىنشا تاعايىندالعان بولاتىن. بيىلعى جىلى ءۇشىنشى رەت تاپسىرلادى.
اتاۋلى سىيلىققا پالاتانىڭ زاڭ شىعارۋشىلىق قىزمەتى جايىندا 2018-جىلعى 3- قىركۇيەك پەن 2019-جىلعى 15- ماۋسىم ارالىعىندا جازىلعان جانە جارىق كورگەن ماتەريالدار قابىلدانادى.
جەڭىمپازدار التى اتالىم - ءماجىلىستىڭ قىزمەتى تۋرالى ۇزدىك تەلەۆيزيالىق، مەرزىمدىك باسپا ءسوز، عالامتور مەن راديوماتەريالدار، سونىمەن بىرگە، فوتو جانە بەينە-ماتەريالدار بويىنشا انىقتالادى. سونداي-اق، قازاقستان پارلامەنتتىك جۋرناليستيكاسىنىڭ دامۋىنا ۇلەس قوسقاندار دا ەسكەرىلەدى.
وتىنىمدەر 2019-جىلدىڭ 17- ماۋسىمىنا دەيىن قابىلدانادى. جەڭىمپازدار بايلانىس جانە اقپارات قىزمەتكەرلەرى كۇنى قارساڭىندا جاريالانادى.
قوسىمشا اقپاراتتى ءماجىلىستىڭ رەسمي سايتىنان الۋعا بولادى.