«بولاشاق جۋرناليست رەتىندە مەن كەز كەلگەن جەردەگى ساياسي وقيعالارعا كۋا بولۋعا تىرىسامىن. الەمدىك باق ءبىزدىڭ ەلباسىنىڭ ەڭبەگىن ەرەكشە اتاپ وتەتىنىن بىلەمىن. گرەكياداعى پوروس ارالىندا بولعانىمدا جەرگىلىكتى قاۋىمداستىق كەڭەسىنىڭ مۇشەسىمەن كەزدەسىپ قالدىم. قازاقستاننان كەلگەنىمدى بىلگەن ول «گرەكيادا ءبارى بار. تەك بىزگە نۇرسۇلتان نازاربايەۆ جەتىسپەيدى» دەگەن ەدى. ال مەنىڭ رەپرەسسياعا ۇشىراعان اجەم بالا كەزدە قازاق بالاسى شەلپەك بەرىپ، اشتىقتان قالاي قۇتقارىپ قالعانىن ايتىپ وتىراتىن. اكەم دە مەنى «قازاق پەن گرەك - ماڭگىلىك اعايىن» دەگەندى قۇلاعىما قۇيىپ ءوسىردى» ، - دەيدى ميلينا ۆاۆۋليدي ق ح ا- نىڭ 27- سەسسياسىندا.
گرەك بويجەتكەنى ءوز سوزىندە پرەزيدەنت وكىلەتتىگىن تاپسىرادى دەگەن اقپاراتتى ەستىگەن كەزدە كوز جاسىنا ەرىك بەرگەنىن ايتادى.
«الەم ەلدەرىندە قانداي قاقتىعىستار بولىپ جاتاتىنىنا كۋامىز. ءبىزدىڭ ەلدە ءبارى تىنىش بولسىن دەپ تىلەيمىز. دانا ءارى مىقتى سىزدەي تۇلعانىڭ شەشىمىنە ءتانتى بولدىق. ءبىز سىزدەن ۇلكەن ساباق - وتاندى قالاي ءسۇيۋ كەرەكتىگى تۋرالى ءتالىم الدىق» ، - دەيدى ول.
بويجەتكەن قازاقستان حالقى اسسامبلەياسى تۋرالى ديپلوم جۇمىسىن قورعاعالى جاتقانىن تىلگە تيەك ەتتى.
«بولاشاق جۋرناليست رەتىندە قازاقستانداعى بەيبىتشىلىك پەن كەلىسىمدى ساقتاۋدا جاۋاپكەرشىلىكتى تولىققاندى سەزىنەمىن» ، - دەيدى ميلينا ۆاۆۋليدي.
ەسكە سالا كەتسەك، ەلوردادا ق ر تۇڭعىش پرەزيدەنتى - ەلباسى، قازاقستان حالقى اسسامبلەياسىنىڭ ءتوراعاسى نۇرسۇلتان نازاربايەۆتىڭ توراعالىعىمەن قازاقستان حالقى اسسامبلەياسىنىڭ XXVII سەسسياسى وتكىزىلدى. بەيبىتشىلىك جانە كەلىسىم سارايىندا وتكەن سەسسياعا 1500 دەن استام ادام جينالدى. ولاردىڭ ىشىندە بۇكىل وڭىرلەردەن كەلگەن اسسامبلەيا مۇشەلەرى مەن ارداگەرلەرى، رەسپۋبليكالىق جانە وڭىرلىك ەتنومادەني بىرلەستىكتەر ءتوراعالارى، پارلامەنت دەپۋتاتتارى، ورتالىق اتقارۋشى ورگانداردىڭ، ساياسي پارتيالاردىڭ، ءدىني بىرلەستىكتەردىڭ، ۇكىمەتتىك ەمەس ۇيىمداردىڭ باسشىلارى، جوعارى وقۋ ورىندارىنىڭ رەكتورلارى، شەت مەملەكەتتەردىڭ ديپلوماتيالىق ميسسيالارىنىڭ، عىلىمي، شىعارماشىل زيالى قاۋىم جانە ب ا ق وكىلدەرى بولدى.