«پەتروپاۆل» شەكارا وتريادىنىڭ «قاراقوعا- اۆتو» بولىمشەسىندە بۇگىن تۇندە، ساعات 2 لەر شاماسىندا رەسەيدەن ءبىزدىڭ ەلگە قاراي كەلە جاتقان 34 جاستاعى ر ف ازاماتى ۇستالدى. شەكاراشىلار ونىڭ جەكەمەنشىك «نيسسان پاترول» اۆتوكولىگىن تەكسەرگەن كەزدە جۇكسالعىشتان ءارتۇرلى اڭشى مىلتىعىنا جانە تراۆماتيكالىق قارۋعا ارنالعان وق- دارىلەردى تاۋىپ الدى. جان- جاقتى تەكسەرۋ ناتيجەسىندە اۆتوكولىك كابيناسىندا، ورىندىقتىڭ استىنا جاسىرىلعان «ت ت ليدەر» ماركالى تراۆماتيكالىق تاپانشا دا تابىلدى. ۇستالعان ازامات ايعاق زاتتارىمەن بىرگە ماعجان جۇمابايەۆ اۋدانى بويىنشا پوليتسيا بولىمىنە تاپسىرىلدى» دەلىنگەن حابارلامادا.
سونداي- اق، قوستاناي شەكارا وتريادىنىڭ «قايراق- اۆتو» بولىمشەسىندە ءبىزدىڭ ەلگە كەلە جاتقان رەسەي ازاماتىنان، سەمەيدىڭ «ۇبە- اۆتو» بولىمشەسىندە رەسەيگە شىعىپ بارا جاتقان قازاقستاندىقتان دا اڭشى مىلتىقتارىنىڭ وق- دارىلەرى تابىلعان. ولار قارابالىق جانە شەمونايحا اۋداندىق پوليتسيا بولىمدەرىنە تاپسىرىلدى.