الەمدەگى ەڭ تابىستى ادامداردىڭ العاشقى كاسىپتەرى

الايدا جۇمىسقا دەگەن قۇلشىنىسى مەن ادال ەڭبەگىنىڭ ارقاسىندا وسىنداي بيىك دارەجەگە جەتىپ وتىر. بۇگىن ءبىز سىزدەرگە الەمدەگى ەڭ تابىستى ادامداردىڭ العاشقى كاسىپتەرى تۋرالى ايتامىز.

ريچارد برەنسون، Virgin كومپانياسىنىڭ پرەزيدەنتى.

تابىسى: $4,8 ميلليارد العاشقى كاسىبى: شىرشا ساتۋشى. Virgin كومپانياسىن قۇرۋشى كاسىپكەردىڭ العاشقى كاسىبى روجدەستۆو قارساڭىندا شىرشا ءوسىرىپ، ساتۋ بولعان. الايدا شىرشالارىنىڭ باسىم كوپشىلىگى قۋراپ كەتىپ، ءىسى وڭعا باسپاعان. ونىڭ ەڭ العاشقى تابىستى كاسىبى -  15 جاسىندا ويلاپ شىعارعان Student دەپ اتالاتىن مەكتەپ جۋرنالى.

 مارك تسۋكەربەرگ، فەيسبۋك جەلىسىن قۇراۋشىلاردىڭ ءبىرى.

تابىسى: $34,9 ميلليارد العاشقى كاسىبى: فەيسبۋك الەۋمەتتىك جەلىسى.

مارك -  بارلىق بەلەسىن ءوز كۇشىمەن باعىندىرعان الەمدەگى بەلگىلى ميللياردەرلەردىڭ ءبىرى. ول ءالى ءوزىنىڭ ءبىرىنشى جۇمىسىندا ىستەپ كەلەدى.

 دجوردج لۋكاس، كينورەجيسسەر.

 تابىسى: $5 ميلليارد العاشقى كاسىبى: وقىتۋشىنىڭ كومەكشىسى. ول وڭتۇستىك كاليفورنيادا وقىتۋشىنىڭ كومەكشىسى بولىپ قىزمەت ەتىپ ءجۇرىپ، امەريكالىق تەڭىز جاياۋ اسكەرلەرىمەن دەرەكتى فيلم تۇسىرۋگە قىزىعادى. اقىرى ءوز دەگەنىنە، العا قويعان ارمانىنا جەتەدى.

 مايكل دەلل، Dell كومپانياسىنىڭ پرەزيدەنتى.

تابىسى: $18,2 ميلليارد العاشقى كاسىبى: قىتاي مەيرامحاناسىندا ىدىس- اياق جۋۋشى. جوعارى سىنىپتاردا وقىپ جۇرگەندە دەلل قىتايلىق مەيرامحانادا جۇمىس ىستەيدى. ول تاپقان تابىسىن جيناپ، ماركا جيناۋشى بولىپ بيزنەس قۇرادى.

ەلون ماسك، Tesla Motors, PayPal جانە SpaceX باعدارلامالارىنىڭ قالاۋشىسى.

 تابىسى: $11,9 ميلليارد العاشقى كاسىبى: ۆيدەوويىنداردى قۇرۋشى. ول 10 جاسىندا ءوزىنىڭ العاشقى كومپيۋتەرىندە باعدارلاما جاساۋدى ۇيرەنىپ، 12 جاسىندا العاشقى Blastar ويىنىن $500 دوللارعا ساتتى.

 دجەفف بەزوس، Amazon كومپانياسىن قۇرۋشى.

تابىسى: $34,7 ميلليارد العاشقى كاسىبى: ماكدونالدستا جۇمىسشى. بالا كەزىندە اكەسىنىڭ فەرماسىندا ەڭبەك ەتەدى. وسە كەلە ماكدونالدسقا جۇمىسقا ورنالاسىپ، ءبىر جىلدان كەيىن كىشىگىرىم كاسىپورىن يەسى اتانادى.

 يان كۋم، WhatsApp جەلىسىنىڭ نەگىزىن قالاۋشى.



تابىسى: $6,8 ميلليارد العاشقى كاسىبى: سىپىرۋشى. امەريكاعا كەلگەننەن سوڭ يان اناسىنا قاتەرلى ىسىككە قارسى كۇرەسۋگە كومەكتەسىپ، 16 جاسىندا جەرگىلىكتى ازىق- تۇلىك دۇكەنىنىڭ الدىن سىپىردى. Yahoo-دا جۇمىس ىستەۋ ءۇشىن كوللەدجدەگى وقۋىنان شىعىپ كەتكەن.

 ۋوررەن باففەت، Berkshire Hathawaۋ ديرەكتورلار كەڭەسىنىڭ ءتوراعاسى.



تابىسى: $72,3 ميلليارد العاشقى كاسىبى: گازەت تاراتۋشى جانە ساعىز ساتۋشى. باففەت 6 جاسىنان باستاپ جۇمىس ىستەگەن. ول امەريكالىق وتباسىلاردىڭ ۇيىنە بارىپ ساعىز ساتادى. سونىمەن قاتار گازەت تاراتىپ تا ۇلگەرگەن. تابىس جايدان- جاي كەلە قويمايتىنىن ەستەن شىعارمايىق. ول ءۇشىن وسى كەزدەن باستاپ ەڭبەكتەنۋ كەرەك.

Massaget.kz