بۇل اۋرۋمەن 350 ميلليون ادام اۋىرادى.
دەپرەسسيا ناشار كوڭىل-كۇيدەن باستالىپ، اياق استى پايدا بولاتىن ماسەلەلەرگە بايلانىستى ەموتسيونالدى تۇرعىدان اسەر ەتەتىن فاكتورلارمەن اياقتالۋى مۇمكىن. كوبىنەسە اتالعان اۋرۋ كۇندەلىكتى تۇرمىستىق جاعدايدا ورىن الاتىن وقيعالارمەن تىعىز بايلانىستى بولىپ كەلەدى: ءۇي ىشىمەن ۇرىسۋ، قالاعان نارسەڭنىڭ ورىندالماي قالۋى، جوسپارلاردىڭ ىسكە اسپاي نەمەسە ونىڭ ءاپ ساتتە وزگەرۋى، ومىرىڭدە قيىندىق بولىپ جاتقان ۋاقىتتا ۇستىنەن تاعى دا قىرسىق شالۋ دەگەن سەكىلدى. ءدال وسىنداي قيىن قىستاۋ كەزەڭدە دەپرەسسيانىڭ العاشقى سيمپتومدارىن اجىراتا ءبىلىپ، دارىگەرلەر كومەگىنە دەر كەزىندە جۇگىنۋ قاجەت.
دەپرەسسيا دەگەنىمىز نە؟
دەپرەسسيا - كوپتەگەن ادامدا كەزدەسەتىن پسيحيكالىق بۇزىلۋدىڭ ءبىر ءتۇرى. ول كوڭىل- كۇيدىڭ تومەن بولۋى، قىزىعۋشىلىقتىڭ جوعالۋى، انگەدونيا (بەلگىلى ءبىر ءومىر قىزىقتارىنان راحاتتى سەزىنبەۋ)، ادامنىڭ ءوزىن ءاردايىم كىنالى سەزىنۋى مەن تۇلعا رەتىندە تومەن باعالاۋى، ۇيقىنىڭ بۇزىلۋى مەن تابەتتىڭ بولماۋىمەن سيپاتتالادى.
ون ادامنىڭ بىرەۋى دەپرەسسيانىڭ اۋىر تۇرىنە شالدىقسا، ءار بەسىنشى ادام پسيحيكالىق بۇزىلۋدىڭ بۇل تۇرىمەن ءومىر بويى دەرت تارتادى. 2020 -جىلعا قاراي دەپرەسسيا مۇگەدەكتىككە الىپ كەلەتىن باستى سەبەپتەردىڭ ءبىرى بولادى. ال 2030 -جىلى ول - اۋرۋ ءتۇرى شىعاتىن كوزگە اينالادى.
دەپرەسسيا تۇرلەرى
«ەندوگەندىك» دەپرەسسيا - دەپرەسسيانىڭ نەلىكتەن، قانداي سەبەپتەرمەن پايدا بولعانىن بىلمەۋدى بىلدىرەدى. بۇل جاعدايدا مۇنى حيميالىق نەمەسە بيولوگيالىق بۇزىلۋ دەپ اتايدى. دەپرەسسيانىڭ بۇل ءتۇرى تۇقىمقۋالاۋشىلىقپەن ەمەس، كوبىنەسە ومىرلىك قيىندىقتاردىڭ اسەرىنەن پايدا بولادى. ەندوگەندىك دەپرەسسيا مازاسىزدىق جانە ۇيقىسىزدىقپەن سيپاتتالادى.
دەپرەسسيا سيمپتومدارى
دەپرەسسيادان زارداپ شەگەتىن ادامدار بەلگىلى ءبىر شارۋاعا قىزىعۋشىلىن جوعالتادى جانە باسقا دا وقيعالارعا مۇلدەم قىزىعۋشىلىق تانىتپايدى. بۇل دەپرەسسيامەن اۋىراتىن ادامنىڭ العاشقى سيمپتومدارىنىڭ ءبىرى. سونداي-اق، سيمپتومداردىڭ قاتارىنا تۇراقتى مۇڭدى، ۇمىتسىزدىك سەزىمىن، شارشاۋ، پروبلەمالاردى ويلاۋ نەمەسە قابىلداۋ، قيىندىقتاردى شەشۋگە دەگەن ۇمتىلىستىڭ بولماۋى، الەۋمەتتىك وقشاۋلاۋدى جاتقىزامىز.
دەپرەسسيا كەزىندە ادامنىڭ تاماققا تابەتى مۇلدەم بولماۋى مۇمكىن نەمەسە كەرىسىنشە تاماقتى وتە كوپ جەۋى مۇمكىن. سول سەكىلدى ۇيقىعا بايلانىستى: مۇلدەم ۇيىقتاماۋى مۇمكىن جانە كۇنى بويى ويانباي ۇيىقتاۋى مۇمكىن.
پسيحوسوماتيكا
پسيحوسوماتيكالىق اۋرۋلار پسيحيكالىق جانە پسيحولوگيالىق فاكتورلارمەن تىعىز بايلانىستى. پسيحوسوماتيكالىق اۋرۋلار ەموتسيونالدىق سترەسس پەن فيزيكالىق سيمپتومداردىڭ اسەرىنەن تۋىندايدى. اسىرەسە، سترەسس تۋىنداعان كەزدە ادامنىڭ يممۋندىق جۇيەسى السىرەپ، ويلاۋ جۇيەسىنە نۇقسان كەلتىرۋى مۇمكىن.
دەپرەسسيادا فيزيكالىق سيمپتومدار ءجيى كەزدەسەدى. ولار سوزىلمالى ءىشتىڭ اۋىرسىنۋىن، قول مەن ارقاداعى اۋىرسىنۋدى، اسقازان- ىشەك اۋرۋلارىن، شارشاۋ مەن ۇيقىنىڭ بۇزىلۋىن، پسيحوموتورلى بەلسەندىلىكتىڭ وزگەرۋىن جانە تابەتتىڭ بۇزىلۋىن قامتيدى.
جۇمىس ورنىنداعى دەپرەسسيا
دەپرەسسيا - قىزمەتكەرلەرگە كومەك كورسەتۋ ءۇشىن جۇمىس ورىندارىنداعى ەڭ ۇلكەن ءۇش ماسەلەنىڭ ءبىرى. ءبىرىنشى جانە ەكىنشى ورىندا وتباسىلىق داعدارىستار مەن كۇيزەلىس ماسەلەلەرى تۇر. جۇمىستان دەمالۋ ماقساتىندا سۇراناتىن جاعدايلاردىڭ كوبىسى دەپرەسسيا ۇعىمىنا قاتىستى. دەپرەسسيامەن اۋىراتىن قىزمەتكەر ءجيى ەمدەلۋگە، دەمالۋعا ۇمتىلمايدى، سەبەبى ول جۇمىستا قيىندىقتار تۋىپ قالۋى مۇمكىن دەپ قورقادى. كوپتەگەن قىزمەتكەرلەر ءوزىنىڭ دەپرەسسياعا ۇشىراعانىن دا بىلمەي قالادى.
دەپرەسسيا تۋرالى نە ءبىلۋ قاجەت؟
دەپرەسسيانىڭ نەگىزگى بەلگىلەرىن تانۋ وتە ماڭىزدى - بۇل سىزگە قاجەتتى تەراپيانى الۋ ءۇشىن مۇمكىندىگىنشە جىلدام كومەكتەسەدى. دەپرەسسيا - ەمدەلۋگە مىندەتتى جانە ماڭىزدى كوزقاراستى تالاپ ەتەتىن اۋرۋ. تەك دارىگەر عانا قاجەتتى تەراپيانى جازا الادى.