ءجۇزىم اعزانى توكسيندەردەن تازارتادى جانە جاسارتاتىن قاسيەتكە يە. ءجۇزىم - تەك ءدامدى عانا ەمەس، سونىمەن قاتار پايدالى ءونىم. ادامزات ءجۇزىمنىڭ ەمدىك قاسيەتىن كوپ جىلدار بۇرىن پايدالانا بىلگەن.
ءجۇزىم ادام اعزاسىنا قاجەتتى А, В,С دارۋمەندەرىنە، كالي، كالتسي، تەمىر، فوسفور سياقتى مينەرالدارعا جانە پروتەيندەرگە باي. بۇل جەمىستى كوپتەگەن اۋرۋلاردىڭ الدىن الۋ ءۇشىن پايدالانۋعا بولادى. ول تىنىس الۋ جولدارى مەن وكپەنىڭ جاعدايىن جاقسارتاتىندىقتان دەمىكپە كەزىندە پايدالى. ءجۇزىم قان قۇرامىنداعى ازوت وكسيدىن ۇلعايتىپ، قاننىڭ ۇيىپ قالۋىنا جول بەرمەيدى. وسىلايشا جۇرەك تالماسىن بولدىرماۋعا سەپتىگىن تيگىزەدى. جەمىستىڭ بۇل ءتۇرى سونداي-اق، ءىش قاتقاندا، اس قورتىلماي قالعاندا اسا قاجەت.
اق ءجۇزىمنىڭ ءسولى اعزانى تەمىرمەن بايىتىپ، شارشاۋدى باسسا، قىزىل ءجۇزىم ءسۇت بەزىنىڭ قاتەرلى ىسىگىن بولدىرمايدى. ءجۇزىمنىڭ بۇل ءتۇرى انتيباكتەريالدىق اسەرىمەن تانىمال. كەز-كەلگەن ينفەكتسيادان قورعايدى. ءبىر قىزىعى قارتايعاندا پايدا بولاتىن كوپتەگەن دەرتتەردى وسى جەمىستىڭ كومەگىمەن جەڭۋگە بولادى ەكەن. مىسالى، ونىڭ قۇرامىنداعى فلاۆومويتتار كوزدىڭ كورۋ قابىلەتىن جاقسارتادى.
ارتىق سالماقتان ارىلعىسى كەلەتىندەرگە ءجۇزىمدى كوبىرەك جەگەن دۇرىس دەيدى ديەتولوگ ماماندار. ويتكەنى ول زات اينالىمىن رەتكە كەلتىرەدى. ءزار شىعارعىش قاسيەتىنىڭ ارقاسىندا بۇيرەگىندە تاسى بار ادامدارعا دا تيگىزەر پايداسى كوپ. ال، قانت ديابەتى مەن اسقازان جاراسى كەزىندە جۇزىمنەن باس تارتقان ءجون.
جۋىردا امەريكاندىق عالىمدار قارا ءجۇزىم شىرىنىنىڭ جۇرەك اۋرۋلارىنا قارسى انتيكانسەروگەندىك ىقپالى بارلىعىن راستادى. قارا ءجۇزىم شىرىنىنىڭ قان بوگەلۋىنە دە قارسى قاسيەتكە يە ەكەنىن انىقتاعان. دجوردجتوۋن ۋنيۆەرسيتەتى عالىمدارىنىڭ ءبىرى دارىگەر جان ە. فريدمان ەكى اپتا بويى جيىرما ادامعا كۇنىگە ەكى كەسەدەن كۇلگىن ءجۇزىم شىرىنىن بەرگەن. ناتيجەسىندە قانداعى ە دارۋمەنى 13 پايىزعا، قان پلازماسىنىڭ جالپى انتيكانسەروگەن مولشەرى 50 پايىزعا ارتقان. بۇعان قوسا، تەكسەرۋگە الىنعانداردا قانداعى بوگەلمەنىڭ ياعني ۆاريكوز اۋرۋىنىڭ اناعۇرلىم رەتتەلگەندىگى انىقتالعان.