«جۇرگىزۋشىلەردىڭ بازالىق ەڭبەكاقىسىن ءبىرىڭعاي ەسەپتەۋ ادىستەمەسى جاسالدى. ول ساعاتتىق بازالىق جالاقىدان، قوسىمشا تولەمنەن، تۇنگى ۋاقىتتاعى ءارى مەرەكە كۇندەرگى جۇمىس ءۇشىن اقىدان جانە سىياقىدان تۇرادى. سىياقى جالاقىنىڭ 25-50 پايىزىن قۇرايدى» ، - دەدى قالالىق موبيلدىلىك باسقارماسىنىڭ باسشىسى ساعىندىق تەلىبايەۆ قوعامدىق كەڭەستىڭ وتىرىسى بارىسىندا.
ونىڭ ايتۋىنشا، اۆتوبۋس جۇرگىزۋشىلەرىنىڭ ورتاشا جالاقىسى 198 مىڭ تەڭگە بولىپ وتىر. بۇل رەتتە، 2018 -جىلدىڭ سوڭعى توقسانى مەن 2019 -جىلدىڭ باسىندا مامانداردىڭ بىلىكتىلىگىن ارتتىرۋ ورتالىعىندا 415 جۇرگىزۋشى قايتا وقۋدان وتكەن. سونداي- اق، 2110 ادام جولدا ءجۇرۋ جانە جولاۋشىلاردى تاسىمالداۋ ەرەجەلەرىن ءبىلۋ، العاشقى مەديتسينالىق كومەك كورسەتۋ الۋ دەڭگەيىنە تەست تاپسىردى.
باسقارما ماماندارى جۇرگىزۋشىلەردىڭ ەسەپ رەەسترىن جاساپ قويعان. بازاعا 3416 جۇرگىزۋشىنىڭ جۇمىس ورنى، ەڭبەك ءوتىلى، قۇقىق بۇزۋشىلىقتارى تۋرالى دەرەكتەر، ايىپپۇلدارى، جولاۋشىلاردىڭ پىكىرلەرى جانە تاعى باسقا مالىمەتتەرى ەنگىزىلگەن. سونىڭ ناتيجەسىندە جۇرگۋشىلەردىڭ رەيتينگى قۇرىلىپ، «قارا ءتىزىمى» جاسالادى.
ساعىندىق تەلىبايەۆتىڭ ايتۋىنشا، قالادا 957 ايالداما پاۆيلونى ورنالاسقان.
ب ر ت جەلىسىمەن ايالداما پاۆيلوندارىندا 8 ەلەكتروندى تابلو ورناتىلعان. بۇل تابلولاردان اۆتوبۋستاردىڭ ايالدامالارىن كورىپ وتىرۋعا بولادى.