جەل، جاۋىن، كوكتايعاق - بەيسەنبىگە ارنالعان اۋا رايى بولجامى

قازاقستاننىڭ باتىسىندا، سولتۇستىك-باتىسىندا جانە سولتۇستىگىندە اتموسفەرالىق فرونتالدى بولىكتەردىڭ وتۋىنە بايلانىستى قۇبىلمالى اۋا رايى ساقتالادى. كەي جەرلەردە جاۋىن-شاشىن بولىپ، باتىستىڭ كەي جەرلەرىندە تۇندە قاتتى جاۋىن جاۋادى.

رەسپۋبليكانىڭ كەي جەرلەرىندە تۇمان، كوكتايعاق، جەلدىڭ كۇشەيۋى، جاياۋ بۇرقاسىن كۇتىلەدى.

سولتۇستىك قازاقستان، اقتوبە، قوستاناي وبلىستارىنىڭ كەي جەرلەرىندە تۇمان، كۇندىز كەي جەرلەرىندە جاياۋ بۇرقاسىن، كوكتايعاق كۇتىلەدى، كەي جەرلەردە تۇندە، باسىم بولىگىندە كۇندىز جەل 15-20، كۇندىز ەكپىنى 25 م/س كۇشەيەدى.

قىزىلوردا، اتىراۋ، باتىس قازاقستان وبلىستارىنىڭ كەي جەرلەرىندە تۇمان، كۇندىز كەي جەرلەرىندە جەل سوعادى.

اقمولا، باتىس قازاقستان وبلىستارىنىڭ كەي جەرلەرىندە كوكتايعاق كۇتىلەدى.

قاراعاندى، جامبىل، پاۆلودار، ماڭعىستاۋ وبلىستارىندا، تۇندە جانە تاڭەرتەڭ الماتى، شىعىس قازاقستان وبلىستارىنىڭ كەي جەرلەرىندە تۇمان ءتۇسىپ، جەلدىڭ جىلدامدىعى 15-23 م/س جەتەدى.