استانادا قىز بەن جىگىت تاكسي جۇرگىزۋشىلەرىن الداپ سوققان

كۇدىكتىلەر ينتەرنەت ارقىلى ازىق- تۇلىك نەمەسە گۇل جەتكىزىپ بەرۋ ءۇشىن تاكسي جالداپ، جۇرگىزۋشىلەردەن بالانس تولتىرۋىن نەمەسە ەلەكتروندىق ءامياندارىنا اقشا جىبەرۋىن سۇراعان. جۇرگىزۋشىلەر اقشانى قايتارامىز دەگەن ۋادەلەرىنە سەنىپ، سۇراعان سوماسىن اۋدارعان. ولار شاقىرىلعان جەرگە بارعاندا عانا الدانعانىن تۇسىنگەن.

قازىرگى ۋاقىتتا ق ر ق ك 190-بابى بويىنشا («الاياقتىق» ) سوتقا دەيىنگى تەرگەۋ جۇمىستارى ءجۇرىپ جاتىر. جالپى زالال سوماسى انىقتالۋدا. كۇدىكتىلەر استانا پد ۋاقىتشا ۇستاۋ وقشاۋلاعىشىنا قامالدى.

 انىقتالعانداي، ۇستالعاندار بۇرىن دا وسىنداي قىلمىسى ءۇشىن جاۋاپقا تارتىلعان. قازىرگى تاڭدا پوليتسياعا 10 نان استام الدانعان تۇرعىن شاعىمدانعان. ولاردىڭ سانى ودان دا كوپ بولۋى مۇمكىن. زارداپ شەگۋشىلەر مىنا مەكەنجايعا كەلۋىنە بولادى: بەيبىتشىلىك، 19. نەمەسە 716335, 716010, 87777228855 تەلەفون نومىرلەرىنە حابارلاسۋ كەرەك.