بۇل - سيرەك كەزدەسەتىن قۇبىلىستىڭ ءبىرى، دەپ حابارلايدى قازاقپارات ءتىلشىسى.
ءالىمحان دانياروۆ مال وسىرۋمەن اينالىسادى. بيىل قارا سيىرى بىردەن ءۇش بۇزاۋ تۋىپ، ەلدى تاڭىرقاتىپ وتىر. قازاق حالقىنىڭ تىنىس-تىرشىلىگىندە مۇنداي جاعداي كەزدەسىپ جاتادى.
«بۇزاۋلاردىڭ جاعدايى قالىپتى بولدى. ەكەۋى بىردەن-اق اياعىنان تۇرىپ كەتتى، ۇشىنشىسىنە ەمىزدىك ارقىلى ءسۇت بەردىك»، - دەدى ءالىمحان دانياروۆ.
قازاق حالقىندا مالدىڭ اماندىعى ءۇشىن ارتىق تۋعانىن جاقىن-جۋىعىنا تاراتىپ بەرەتىن ىرىم بار. اۋىل تۇرعىنى دا وسىنداي ىرىمعا سۇيەنىپ، تانىستارىنا ەكى بۇزاۋدى ۇلەستىردى. بۇل جاعداي جەرگىلىكتى ۆەتەريناريا ماماندارىن دا تاڭعالدىرىپ وتىر.
مۇنداي جاعداي قىزىلوردا وبلىسىندا العاش رەت تىركەلىپ وتىرعان جوق. 2013-جىلدىڭ قاراشا ايىندا شيەلى كەنتىندە دە سيىر ءۇش بۇزاۋ تۋعان ەدى.
سونداي-اق، ەكى جىلداي بۇرىن الەۋمەتتىك جەلىدە ەلىمىزدە ءتورت بۇزاۋ تۋعان سيىر تۋرالى ۆيدەو تارالعان بولاتىن.