قۇپيا ءسوز قاۋىپسىز بولسىن دەسەڭىز

 بۇل عالامتوردا بەلسەندى كەز كەلگەن ادامنىڭ باسىنان وتكەن وقيعا. قازىرگى تاڭدا قۇپيا ءسوزدىڭ ماڭىزى ارتقان. ءبىر عانا قۇپيا ءسوزدى ءبىلۋ ارقىلى الەۋمەتتىك جەلىدەن باستاپ بانكتەگى شوتىڭىزعا دەيىن قوپارىپ شىعۋعا بولادى. سول سەبەپتى قۇپيا ءسوزدى قالاي قۇپيا ساقتاعان ءجون، قانداي سوزدەردى قولدانۋ دۇرىس ەكەنى تۋرالى اڭگىمەلەيتىن بولامىز. قولدانۋعا بولمايتىن قۇپيا سوزدەر ءبىرىنشى كەزەكتە الەمدە كەڭىنەن تارالعان جانە قولدانۋعا بولمايتىن قۇپيا سوزدەردىڭ ءتىزىمىن جاساپ شىقساق. - رەتىمەن جازىلعان ساندار: 12345، 337799، 10011001؛

 - تۋعان كۇن؛

- تەگىڭىز، اتىڭىز؛

 - ءۇي نەمەسە ۇيالى تەلەفون ءنومىرى؛

 - پوشتا مەكەنجايى؛

 - كوپ تارالعان سوزدەر: password, qwerty, administrator، admin

مىنە، جوعارىدا كورسەتىلگەن جۇيەدە قۇپيا ءسوزدى قۇرۋدان اۋلاق بولىڭىز. بۇلار ەڭ ءالسىز ءارى كەڭىنەن تارالعان قۇپيا سوزدەرگە جاتادى. ەندەشە قۇپيا ءسوزدى قالاي ويلاپ تابامىز؟

 تومەندەگى كەڭەستەرگە كوز جۇگىرتەيىك. قاۋىپسىزدىك قاعيداسى - قۇپيا ءسوز كۇردەلى ءارى ەستە قالاتىنداي بولۋ قاجەت. مىسالى، ەسىڭىزدە ەرەكشە جايتپەن قالعان كۇندەر.

 قۇپيا ءسوزدى ويلاپ تاپقان كۇن، بولماسا، العاش تەلەفون العان كۇنىڭىز. تەك تۋعان كۇن نەمەسە جىلدى جازۋدان اۋلاق بولۋ قاجەت.

- كوزىڭىزگە جاتىق تەلەفوندى بۇعاتتان شىعارۋ جۇيەسى سانعا جانە ارىپكە اينالدىرۋ. كەز كەلگەن ءپىشىندى ويلاپ تاۋىپ، سونى تەلەفونداعى ءارىپ نە سانعا اينالدىرۋ ارقىلى ۇمىتپايتىنداي قۇپياءسوز قۇرۋعا بولادى.

- قۇپياءسوز نەعۇرلىم ۇزىن بولعانى ابزال. 8 تاڭبادان از ەمەس، ءبىراق 25 تەن اسىپ كەتپەگەنى ءجون. ەڭ دۇرىسى -  14 پەن 25 ارالىعىن ۇستانۋ.

 - جاڭا ءسوز ويلاپ تابىڭىز. كەيدە تاڭبالار مەن سانداردىڭ ءوزى جەتكىلىكسىز بولىپ جاتادى. ونداي كەزدە ءجيى پايدالانىلاتىن جاتتاندى سوزدەردىڭ ورنىنا كوپ ادامنىڭ ويىنا كەلە بەرمەيتىن تىڭ سوزدەردى قولدانعان دۇرىس.

 - ەگەر كۇردەلى قۇپياءسوزدى جاتتاۋ قيىنعا سوقسا، 2-3 ورتاشا دەڭگەيدەگى قۇپيا ءسوزدى كەزەكپەن اۋىستىرىپ وتىرىڭىز. تىم قۇرىعاندا ايىنا ءبىر مارتە وزگەرتۋ قاجەت.

- الەۋمەتتىك جەلىدەگى پاراقشاڭىزدى حاككەرلەر بۇزىپ الماسىن دەسەڭىز قوسىمشا فۋنكسيالارعا جۇگىنىڭىز. مىسالى، ءبىر ۋاقىتتا ەكى تەلەفوننان ءبىر اككاۋنتقا كىرە الماۋى، اككاۋنتقا جاڭا قۇرىلعى ارقىلى كىرۋ ءۇشىن تەلەفون نومىرگە س م س سۇراتۋ.

- قۇپياءسوزدىڭ قورعانىسى مىقتى بولۋ ءۇشىن ەرەكشە سيمۆولداردى قوسۋدى دا ۇمىتپاڭىز: A!maty@Astana0.

 - ارىپتەن گورى ەرەكشە سيمۆولدار مەن سانداردى قولدانعان دۇرىس. بۇل ءسىزدىڭ قۇپياءسوزىڭىزدىڭ قاۋىپسىزدىگىن ارتتىرادى. ۇمىتپاۋ ءۇشىن قۇپيا ءسوزدى جادىڭىزعا ساقتاعان ابزال. الايدا كۇردەلى قۇپيا ءسوزدى جاتتاۋ قيىنعا سوعادى. ونداي كەزدە قويىن داپتەرىڭىزگە جازىپ قويساڭىز بولادى. الايدا بۇل ءادىس قاۋىپسىز ەكەنى جادىڭىزدا بولسىن. بىرنەشە قۇپياءسوزدى جاتتاۋ دا قيىن ەكەنى ءسوزسىز. ەگەر مۇنداي قيىن جاعدايعا تاپ بولعىڭىز كەلمەسە كەڭىنەن تارالعان KeePass, LastPass نەمەسە Roboform باعدارلامارىنا جۇگىنىڭىز. ەڭ باستىسى - باعدارلاماعا كىرۋگە قاجەت قۇپيا ءسوزدى ۇمىتپاڭىز. ساقتانساڭ، ساقتايدى!

 - ءار جۇيەگە جەكە قۇپيا ءسوز ويلاپ تابۋ؛

 - مۇمكىن بولعان جەردىڭ بارىنە ەكى فاكتورلى سايكەستەندىرۋ وپتسياسىن قولدانۋ؛

- براۋزەردە قۇپيا ءسوزدى ساقتاماۋ؛

 - SSL- سەرتيفيكاتى جوق سايتتاردا قۇپيا ءسوزدى تەرمەۋ؛

- 2-3-اي سايىن قۇپياءسوزدى جاڭارتىپ وتىرۋ؛

 - ەشكىمگە قۇپياءسوز تۋرالى ءتىس جارماۋ قاجەت. كىشىگىرىم ستاتيستيكا 123456؛ 123456789؛ qwerty؛ 12345678؛ 111111؛ 1234567890؛ 1234567؛ password؛ 123123؛ 987654321؛ qwertyuiop؛ mynoob؛ 123321؛ 666666؛ 18atcskd2w؛ 7777777؛ 1q2w3e4r؛ 654321؛ 555555؛ 3rjs1la7qە؛ googlە؛ 1q2w3e4r5t؛ 123qwە؛ zxcvbnm؛ 1q2w3e. الەمدەگى قولدانۋشىلاردىڭ  جوعارىداعى 25 قۇپيا سوزدەردى قولدانادى ەكەن. ەگەر بۇل تىزىمنەن ءوزىڭىزدىڭ قۇپيا ءسوزىڭىزدى كورسەڭىز دەرەۋ تۇردە وزگەرتىڭىز.

Massaget.kz