ءسوزدىڭ كەزەگى اقىن ماقپال تاجماعامبەتوۆاعا كەلگەندە مەملەكەت باسشىسى «100 جاڭا ەسىم» جوباسى اياسىنداعى كەزدەسۋدەن كەيىن ونى ارنايى شاقىرعانىن جەتكىزدى.
«اناداعى كەزدەسۋدەن كەيىن ادەيى شاقىردىم. سول ماحاببات تۋرالى ولەڭىڭدى وسى جەردە وتىرعان قىزدارعا تاعى ءبىر رەت وقىپ بەرشى»، - دەپ سۇرادى ن. نازاربايەۆ.
م. تاجماعانبەتوۆا ءوز تىلەگىن بىلدىرگەننەن كەيىن پرەزيدەنتتىڭ قالاعان ولەڭىن وقىپ بەردى. ن. نازاربايەۆ ونىڭ ءۇش كىتابىن الدىرتقانىن دا ايتتى.
«ولەڭ جازعان ءۇش كىتابىڭدى تاۋىپ الدىم»، - دەدى مەملەكەت باسشىسى اقىن قىزعا قاراتا ايتقان سوزىندە.
ماقپالدىڭ العاشقى ولەڭدەرى - «تولعاۋى توقسان تۋعان ءتىل» جانە «پوەزيا، مەنىمەن ەگىز بە ەدىڭ؟» وبلىستىق گازەتتەردە جاريالاندى. بەرتىن كەلە، «الاقانداعى باقىت» جيناعىن شىعاردى. سونىڭ ولەڭدەرى «ءومىر ورنەكتەرى» مەن «جاس تولقىن» ۇلتتىق توپتامالارعا ەندى.
سونداي-اق، بۇگىنگى كەزدەسۋگە ءانشى كلارا تولەنبايەۆا دا قاتىستى. ول پرەزيدەنتكە بايانمەن تانىمال «جىبەك سەزىم» ءانىن ورىنداپ بەردى.
ايتا كەتەيىك، كەزدەسۋ كەزىندە ق ر پرەزيدەنتى نۇرسۇلتان نازاربايەۆ بارشا انالار مەن قىز- كەلىنشەكتەردى 8 -ناۋرىز - حالىقارالىق ايەلدەر كۇنىمەن قۇتتىقتادى. «انانىڭ قۇدىرەتى شەكسىز. «ونىڭ الدىندا بۇكىل دۇنيە باس يەدى» دەپ تەگىن ايتىلماسا كەرەك. ەرتە زاماندا جاۋلاسقان جۇرتتىڭ ورتاسىنا انا اق جاۋلىعىن تاستاعان كەزدە سوعىس توقتالىپ، بىتىمگە كەلەتىن بولعانىن بىلەمىز. ءداستۇرىمىزدى بارىنشا ساقتاپ كەلە جاتقان ءبىز ايەل زاتىن اسىرەسە قادىرلەيتىن حالىقپىز. قازاق ۇلتى قىز بالانى ءارۋاقىتتا الاقانىنا سالىپ، ايالاپ وتىراتىن. بۇل سالتىمىز وتباسى ءۇشىن بۇزىلماس زاڭدىلىققا اينالىپ كەلەدى. «انا» دەگەن قاستەرلى ءسوزدى ەستىگەندە تەبىرەنبەيتىن جۇرەك جوق، تولقىمايتىن كوڭىل بولمايدى»، - دەيدى ن. نازاربايەۆ. مەملەكەت باسشىسى كوپبالالى وتباسىلارعا كومەك بەرۋ ماسەلەسىن قوزعادى. سونداي-اق، ەكى اناعا اناعا «التىن القا» مەن «كۇمىس القانى» سالتاناتتى تۇردە تاپسىردى. پرەزيدەنت وتباسىنىڭ ىنتىماعىن ساقتاۋدىڭ قۇپياسىمەن دە ءبولىستى.