بۇگىن ەل اۋماعىنىڭ باسىم بولىگىندە جەل كۇشەيىپ، كوكتايعاق بولادى

كەي جەرلەردە تۇمان، كوكتايعاق، جاياۋ بۇرقاسىن، جەلدىڭ كۇشەيۋى كۇتىلەدى، دەپ حابارلايدى قازگيدرومەت.

اقمولا، قوستاناي، سولتۇستىك قازاقستان وبلىستارىنىڭ كەي جەرلەرىندە تۇمان، كوكتايعاق، تۇندە كەي جەرلەردە بۇرقاسىن بولادى جەل 15-20 م/س كۇشەيەدى، كەي جەرلەردە جەلدىڭ جىلدامدىعى 30 م/س جەتۋى ىقتيمال.

باتىس قازاقستان وبلىسىنىڭ كەي جەرلەرىندە جاياۋ بۇرقاسىن، تۇمان، كوكتايعاق، جەل 15-20 م/س كۇتىلەدى.

اقتوبە وبلىسىنىڭ كەي جەرلەرىندە كوكتايعاق، كۇندىز جاياۋ بۇرقاسىن، جەلدىڭ جىلدامدىعى - 15 م/س.

جامبىل، اتىراۋ وبلىستارىنىڭ كەي جەرلەرىندە تۇمان تۇسەدى، كۇندىز جەل 15-20 م/س كۇتىلەدى، جامبىل وبلىسىندا كوكتايعاق بولۋى مۇمكىن.

شىعىس قازاقستان وبلىسىنىڭ كەي جەرلەرىندە تۇمان، كوكتايعاق، جەلدىڭ جىلدامدىعى 15-20 م/س جەتەدى.

پاۆلودار وبلىسىنىڭ كەي جەرلەرىندە بۇرقاسىن، تۇندە جەل 15-20 م/س كۇتىلەدى.

الماتى، قىزىلوردا، ماڭعىستاۋ، قاراعاندى، تۇندە تۇركىستان وبلىستارىنىڭ كەي جەرلەرىندە تۇمان ءتۇسۋى ىقتيمال.