ءسابيدىڭ ءار ايداعى دامۋ كەزەڭدەرى

1-ايلىق بالا تىك كوتەرگەن كەزدە باسىن ۇستاۋعا تىرىسادى؛

2-ايلىعىندا ەتپەتىنەن جاتىپ، باسى مەن كەۋدەسىن كوتەرەدى؛

3-ايلىعىندا ەتپەتىنەن جاتىپ، شىنتاقتاپ دەنەسىن كوتەرەدى، دەمەپ ۇستاسا، جامباستاپ وتىرادى، شالقالاپ جاتىپ، بۇيىرىنە اۋناپ تۇسەدى، موينى قاتايىپ، باسىن تىك ۇستايدى؛

4-ايلىعىندا قوزعالىسى شيراپ، جەڭىلدەي تۇسەدى؛ بالا كوتەرىلگەندە الاقانىمەن جەر تىرەيدى، ءارى- بەرى اۋناپ تۇسەدى، شالقالاپ "كوپىر" جاسايدى، ءار ءتۇرلى زاتتاردى قولىنا ۇستايدى؛

5-ايلىعىندا الدەنەگە سۇيەنىپ وتىرادى، قولتىعىنان دەمەسە، تىزەسىن بۇكپەي ءتۇزۋ تۇرادى؛

6-ايلىعىندا دەمەپ ۇستاماي- اق ءوزى قۇيرىعىن باسادى، نەمەسە تىك تۇرىپ، اياعىن باسۋعا تالپىنادى؛

7-ايلىعىندا ەڭبەكتەيدى، وزدىگىنەن وتىرادى، تىزەرلەپ تۇرادى، قولىنان ۇستاپ دەمەسە، اتتاپ قادام باسادى، ويىنشىقتارىن ءبىر قولىنان ەكىنشى قولىنا الماستىرا الادى؛

8-ايلىعىندا وزدىگىنەن وتىرادى، باسىن ءوزى كوتەرە الادى، ءبىر نارسەدەن ۇستاپ جۇرۋگە تالپىنادى؛

9-اي تولعاندا قاز تۇرادى جانە قولىنان جەتەكتەسە قاز- قاز باسادى؛

10-ايلىعىندا وزدىگىنەن وتىرىپ تۇرادى، ۇستەلدى اينالىپ جۇرەدى، ءبىر قولىنان ۇستاسا، العاشقى قادام جاساۋعا تالپىنادى؛

11-12-ايلىعىندا ءبىر قولىنان ۇستاعاندا جاقسى جۇرەدى، دەمەپ ۇستاماي- اق وزدىگىنەن جۇرۋگە تالپىنىس جاسايدى، سۇيەۋسىز- اق وتىرادى، جەردە جاتقان زاتتى تىزەرلەمەي جەردەن كوتەرىپ الادى.

دەرەككوز: Reactor