استانا اۋماعىندا اسپاننان ءۇش كۇن كورىندى
12:42, 01 - ناۋرىز 2019
استانا. قازاقپارات - بۇگىن تاڭەرتەڭ استانا تۇرعىندارى ەرەكشە تابيعي قۇبىلىس سانالاتىن گالونى كوزبەن كورۋ مۇمكىندىگىنە يە بولدى، دەپ حابارلايدى قازاقپارات ءتىلشىسى.
«گالو» - اتموسفەرالىق وپتيكالىق قۇبىلىس. ول قىستا قاتتى ايازدا پايدا بولادى. ماماندار اسپاندى قاز باۋىر بۇلت باسقاندا، مۇزدان تروپوسفەرانىڭ جوعارى قاباتىندا 5-10 شاقىرىم بيىكتىكتە پايدا بولادى دەپ سانايدى.
وسى ورايدا اسپاندا بىردەن ءۇش كۇن كورىنگەنىن بايقاۋعا بولادى. عالىمداردىڭ پىكىرىنشە، بۇل «گالو» دەپ اتالاتىن وتە سيرەك كەزدەسەتىن ەرەكشە قۇبىلىس. گالو قۇبىلىسى اياز بولعان كەزدە كۇننىڭ نە ايدىڭ اينالاسىندا پايدا بولادى. شىندىعىندا، بۇل كەمپىرقوساق، ونىڭ نەگىزى كۇن ساۋلەسىنىڭ سۋدا ەمەس مۇز كريستالدارىنا سىنۋىنان تۋىندايدى.
مامانداردىڭ ايتۋىنشا، وسىنداي قۇبىلىس كەزىندە كورىنەتىن كۇن ساۋلەسى ادامداردىڭ كوزىنە قاتتى اسەر ەتەدى. سوندىقتان دا گالوعا كۇننەن قورعايتىن كوزىلدىرىك ارقىلى قاراعان دۇرىس بولادى.