«بۇگىندە بارشاعا قولجەتىمدى YouTube ارناسى ءبىلىم بەرۋ كونتەنتىمەن تولىقتىرىلعان، الايدا ول قازاقستاندىق ەمەس. قازىرگى كەزدە مينيسترلىك پەن پارتيا ماقساتتارىنىڭ ءبىرى عالامتوردى قازاقستاندىق كونتەنتپەن قامتاماسىز ەتۋگە ارنالعان. وسى قادامدار ارقىلى بالالاردى دامىتۋعا ءتيىستى ۇلەس قوسۋعا بولادى» ، - دەدى يۋ. كۋچينسكايا «نۇر وتان» پارتياسىنىڭ كەزەكتى XVIII سەزى قارساڭىندا ءبىلىم سالاسىنا ارنالعان پانەلدىك سەسسيا كەزىندە تىلشىلەر ساۋالىنا جاۋاپ بەرە وتىرىپ.
سونىمەن قاتار ساراپشى بۇگىندە ەلىمىزدىڭ ءبىلىم بەرۋ جۇيەسىندە كوپ رەفورمالار جۇرگەزىلگەنىن اتاپ ءوتتى.
«بۇل جاڭا قادامداردى ءتۇسىندىرۋ ءبىر ماعىنالى ءارى بىردەي بولۋى ءۇشىن بارلىق وڭىرلەردە رەفورمالار بىركەلكى ىسكە اسىرىلۋى ماڭىزدى» ، - دەدى ول.
وسى ورايدا ول زاڭنامالىق تۇرعىدا ەلەۋلى جۇمىستار اتقارىلعانىن ايتتى.
«زاڭدار قابىلدانىپ، ءتيىستى جۇمىستار ءجۇرىپ جاتىر. ال كەيىننەن جۇزەگە اسىرۋ كەزەڭىنە جەتكەندە، كەيبىر ماسەلەلەر تۋىنداپ جاتادى. تولىققاندى ىسكە اسىرۋ ءۇشىن رەسۋرستار جەتىسپەيدى نەمەسە لايىقتى دەڭگەيدە كوڭىل بولىنبەيدى. ەندى ۇكىمەتتىڭ جاڭا قۇرامى الدىندا وسى ماسەلەلەردى شەشۋ مىندەتى تۇر. اتاپ ايتقاندا، بۇگىندە تۋىنداعان قيىندىقتاردى ەڭسەرۋگە ۇمتىلۋ قاجەت» ، - دەدى ساراپشى.