كەرەمەت دەيمىز، ويتكەنى ول ، امەريكالىق، ياكي، رەسەيلىك بالامالارىمەن باسەكەلەس بولىپ وتىر. قاراپايىم تىلمەن ايتار بولساق، ەندى اتا- اناسى بالانىڭ كۇنى بويى قايدا بارعانىن، نە ويناعانىن، قانشا ينتەرنەتتە وتىرعانىن، نەنى قاراعانىن دا قاداعالاي الادى. موبيلدىك قوسىمشا ۋاقىتىلى ەسكەرتۋ جاساپ، ءارتۇرلى قاۋىپتىڭ الدىن الۋعا دا كومەكتەسەدى.
تالعات اياپوۆ، جوبا اۆتورى:
- ءبىزدىڭ باعدارلاما ارقىلى بالانى ءجىتى قاداعالاۋعا بولادى. ياعني، بۇرىنعىداي قايتا- قايتا قوڭىراۋ شالۋدىڭ قاجەتى جوق. تەلەفونعا حابارلامالار كەلىپ وتىرادى. ءبىز بۇل جوبانى بىرەر اي بۇرىن عانا ىسكە قوستىق جانە قازىر 2 مىڭنان اسا قولدانۋشىمىز بار. قىزمەتتىڭ اقىلى ەكەنىن ايتا كەتەيىك. ەندى ءبىز ونى ودان ءارى جەتىلدىرىپ، ت م د اۋماعىندا جانە لاتىن امەريكا ەلدەرىنە تاراتقىمىز كەلەدى.
اۆتور بۇل قىزمەت ارقىلى كشكەنتاي بالانى عانا ەمەس، ەرلى- زايىپتىلار دا ءبىرىن- ءبىرى باقىلاۋىنا بولاتىنىن دا ايتىپ قالدى. ءبىراق، ونى تىڭشىلىق قۇرالمەن شاتاستىرماۋ كەرەك. باعدارلاما ەكى سمارتفون يەسىنىڭ كەلىسىمىنەن كەيىن عانا جۇمىس جاساي باستايدى. بۇل بىرەر مىسال عانا. جالپى ەلىمىزدە سيفرلاندىرۋعا قاتىستى وتە اۋقىمدى جۇمىس اتقارىلىپ جاتىر جانە وندا وتاندىق ايتي مامانداردىڭ بەلسەندىگى قۋانتادى. ەندى ءدال وسىنداي بەلسەندىلىك ونى ءتۇسىندىرۋ جۇمىستارىندا جۇرگىزىلسە دەيدى كوپشىلىك. اسىرەسە، اۋدان ورتالىقتارى مەن شالعاي اۋىلداردا تۇراتىندار ءالى كۇنگە دەيىن ءبىر جاپىراق قۇجات ءۇشىن جۇزدەگەن شاقىرىمدى ءجۇرىپ وتۋگە ءماجبۇر.