ەلىمىزدە قاسقىر سانىن رەتتەۋدىڭ ءليميتى بەكىتىلدى
10:03, 16 - اقپان 2019
استانا. قازاقپارات - قازاقستاندا ءبىر جىل بويى قاسقىر سانىن رەتتەۋدىڭ ءليميتى بەكىتىلدى. بۇل تۋرالى فەيسبۋك پاراقشاسىندا ق ر ا ش م ورمان شارۋاشىلىعى جانە جانۋارلار دۇنيەسى كوميتەتىنىڭ باسپا ءسوز حاتشىسى ساكەن دىلداحمەت جازدى، دەپ حابارلايدى قازاقپارات ءتىلشىسى.
«قازاقستان رەسپۋبليكاسىنىڭ اۋماعىندا 2019 -جىلدىڭ 1 - قاڭتارى مەن 31 - جەلتوقسانى ارالىعىنداعى قاسقىر سانىن رەتتەۋدىڭ ءليميتى بەكىتىلدى. قاسقىر سانىن رەتتەۋ بويىنشا مەملەكەتتىك قىزمەت egov.kz ەلەكتروندى جۇيەسى ارقىلى بەرىلەدى» ، - دەپ جازادى ساكەن دىلداحمەت.
ا ش م مالعا شاپقاندا نەمەسە ەلدىمەكەن اۋماعىندا قاڭعىپ جۇرگەن جاعدايدا عانا قاسقىردى ليميت بويىنشا اتۋعا رۇقسات بەرىلەتىنىن ەسكەرتەدى. ەسكە سالا كەتسەك، بىلتىر قازاقستاننىڭ بيوالۋان تۇرلىلىكتى ساقتاۋ قاۋىمداستىعىنىڭ (ق ب س ق) قاسقىر سانىن انىقتاۋعا بايلانىستى اقتوبە، اتىراۋ، باتىس قازاقستان جانە ماڭعىستاۋ وبلىستارىندا اڭشىلار مەن جەرگىلىكتى تۇرعىندار اراسىندا ساۋالناما جۇرگىزەتىنى حابارلانعان بولاتىن.