ارتىنشا جاڭادان بوسانعان انا تۇركىستان وبلىستىق پەريناتالدىق ورتالىعىنا جەتكىزىلدى، دەپ حابارلايدى قازاقپارات ءتىلشىسى.
تۇركىستان وبلىستىق دەنساۋلىق ساقتاۋ باسقارماسى باسپا ءسوز قىزمەتىنىڭ مالىمەتىنشە، 23 جاستاعى كەلىنشەك ەكىنشى پەرزەنتىنە 40 اپتالىق جۇكتىلىك مەرزىمىندە بولعان. ول ساۋدا ورتالىعىنا بارعاندا كەنەت تولعاعى قىسقان.
ول «بۇيرەگىم اۋىردى» دەگەن ويمەن اجەتحاناعا كىرىپ، سول جەردە بوسانۋعا تۋرا كەلگەن. جەدەل جاردەم قىزمەتى كەلگەنشە ورتالىقتىڭ كۇزەتشىسى مەن كەزەكشى دارىگەر تولعاقتى قابىلداعان.
دۇنيەگە كەلگەن قىز بالا اناسىنىڭ ەكىنشى پەرزەنتى ەكەنى انىقتالدى. نارەستەنىڭ سالماعى 2 كەلى 800 گرامدى قۇراعان. سوڭىنان جەدەل جاردەم قىزمەتى كەلىپ، جاس انانى وبلىستىق پەريناتالدىق ورتالىققا اپارىپ، دارىگەرلەر كىندىكتى سول جەردە كەسكەن.
ءبىرشاما توڭىپ قالعان ايەلگە ءتيىستى ەم دوم جاسالىپ، قازىرگى تاڭدا جاعدايى قالىپقا تۇسكەن.
مەديتسينا قىزمەتكەرلەرى قازىرگى تاڭدا انا مەن بالانىڭ دا ومىرىنە ەشقانداي قاۋىپ جوق ەكەنىن ايتادى.