الماتىنىڭ جەكەمەنشىك ۇيلەرىندە داتچيكتەر ورناتىلىپ جاتىر

الماتى قالاسى ت ج د مالىمەتىنشە، جىلۋ ماۋسىمى باستالعاننان بەرى «ءاربىر ءۇيدىڭ قاۋىپسىزدىگى» اكسياسىنىڭ اياسىندا قالا قۇتقارۋشىلارى تاڭداۋلى تۇردە (از قامتىلعان وتباسىلار مەن قاريالار) پەش جاعاتىن ۇيلەردە كومىرقىشقىل گازىن انىقتاپ، دابىل بەرەتىن قۇرىلعىلاردى ورناتتى. ۋلى زاتتاردىڭ شەكتى كونتسەنتراتسياسى مولشەردەن اسىپ كەتكەندە دابىل ىسكە قوسىلىپ، تۇرعىندارعا قاۋىپتى جاعداي تۋرالى بەلگى بەرەدى.

بۇگىندە وسىنداي قۇرىلعىلار قالاداعى 136 ۇيدە ورناتىلعان.

9- اقپانىندا الماتى گارنيزونىنىڭ جەكە قۇرامى جەرگىلىكتى پوليتسيا قىزمەتى، اۋدان اكىمدىكتەرى، «نۇر وتان» پارتياسىنىڭ وكىلدەرى جانە ق ر قىزىل جارتى اي قوعامىنىڭ ەرىكتىلەرىمەن بىرلەسىپ 8364 ءۇيدى تەكسەرىپ، ءورت قاۋىپسىزدىگىن ساقتاۋ تۋرالى 10 مىڭنان استام جادىناما تاراتقان.

جالپى، دەپارتامەنت جەكەمەنشىك تۇرعىن سەكتورىندا ورنالاسقان 145 مىڭنان استام تۇرعىن ءۇيدى ەسەپكە الدى. جىلۋ ماۋسىمىنىڭ باستالۋىنا دەيىن ءبىر اي ۋاقىت قالعاندا، دەپارتامەنتتىك جەكە قۇرامى بارلىق ۇيلەردى ارالاپ شىقتى. جازاتايىم وقيا بولعان 20 مىڭنان استام ۇيلەر بىرنەشە رەت تەكسەرىلدى. ءۇي يەلەرىنە ءورت قاۋىپسىزدىگى ەرەجەلەرىن ساقتاۋ تۋرالى جادىنامالار بەرىلىپ، سونداي-اق 8395 ادامدى قامتىعان 486 جينالىس وتكىزىلدى.