«ايازدى اكەلگەن سۋىق جانە كۇشتى انتيسيكلونداردىڭ قازاقستانعا ىعىسۋىنا بايلانىستى رەسپۋبليكانىڭ باسىم بولىگىندە ايازدىڭ بەتى قايتادى»، - دەدى مارينا شميدت.
ەلىمىزدىڭ سولتۇستىك وڭىرلەرىندە دەمالىس كۇندەرى اۋا تەمپەراتۋراسى مينۋس 18-23 گرادۋس بولادى. ءبىراق كەيبىر جەرلەردە 28 گرادۋسقا دەيىن اياز بولادى دەپ بولجانىپ وتىر.
ال وڭتۇستىك وڭىرلەردە اۋا تەمپەراتۋراسى تۇنگى ۋاقىتتا 0-5 گرادۋس، كەيبىر جەرلەردە 10 گرادۋس اياز بولادى. ال كۇندىز 3-8 گرادۋس ارالىعىندا جىلى بولاتىنى ايتىلادى.
«اۋا تەمپەراتۋراسىنىڭ جوعارىلاۋىنا بايلانىستى كەيبىر وڭىرلەردە قار ءتۇسىپ، بوران سوعادى. قازاقستاننىڭ وڭتۇستىگىندە جاۋىن-شاشىن جاۋىپ، كەيبىر اۋماقتاردا تۇمان ءتۇسىپ، كوكتايعاق بولادى»، - دەيدى مەتەورولوگتار.
ءبىراق، مامانداردىڭ ايتۋىنشا، اپتانىڭ باسىندا كۇن سۋىق بولادى. دەگەنمەن، وتكەن اپتاداعىداي اياز بولمايدى. «قازاقستاننىڭ سولتۇستىگى مەن ورتالىعىندا تۇنگى ۋاقىتتا اۋا تەمپەراتۋراسى 22-27 گرادۋس، كەيبىر وڭىرلەردە 30 گرادۋس اياز بولادى. ەلىمىزدىڭ شىعىسىندا 35 گرادۋسقا دەيىن اياز بولسا، وڭتۇستىك پەن وڭتۇستىك- شىعىستا 5-10 گرادۋس اياز بولادى. ءبىراق بۇل اياز ۇزاق ۋاقىتقا سوزىلمايدى»، - دەپ حابارلايدى «قازگيدرومەتتىڭ» باسپا ءسوز قىزمەتى.
ال سولتۇستىك وڭىرلەردە اۋا تەمپەراتۋراسى تۇندە 15-23 گرادۋس بولسا، كۇندىز 5-13 گرادۋسقا دەيىن جوعارىلايدى. وسى كاتەگوريا بويىنشا: «شيەلى اۋدانىندا ءبىرقاتار الەۋمەتتىك نىسان قۇرىلىسى ءجۇرىپ جاتىر وزگە ەلگە تۇراقتى تۇرۋعا شىعاتىندار قۇجاتتارىن ميگراتسيالىق حقو ارقىلى راسىمدەي الاتىن بولادى».