بۇل تۋرالى NUR. KZ حابارلايدى.
ەڭ سۋىق شاھارلار كوشىن كانادالىق قالالار باستاعان: Key Lake -41 °س، Stony Rapids -40 جانە Shepherd Bay -40
ءبىر تۇندە قاراعاندى قالاسى جەتىنشى ورىننان ءبىر-اق شىقتى. مۇندا تەمپەراتۋرا كورسەتكىشى -38 °س جەتتى.
قازاقستان استاناسى سۋىق قالالار تىزىمىندە -37 گرادۋستىق ايازبەن 11-ورىنعا ورنىقتى.
رەسەيدىڭ سۋرگۋت پەن ياكۋتسك قالالارى دا بۇل تىزىمگە ەنگەن. وندا اۋا تەمپەراتۋراسى -38 °س جانە -36 °س كورسەتكەن. سۋرگۋت، قاراعاندى سياقتى وڭتۇستىك پوليۋستەگى انتاركتيكالىق امۋندسەن-سكوتت ستانتسياسىنان دا سۋىق بولىپ شىققان. ال استانا -37 °س ونىمەن تەڭەستى.
ەسكە سالا كەتەيىك، اياز كۇشەيۋىنە بايلانىستى قازاقستاننىڭ ءبىرقاتار وبلىستارىندا مەكتەپ جانە كوللەدج ساباقتارى توقتاتىلدى.
«قازگيدرومەت» بۇل قىستى سوڭعى جەتى جىلداعى ەڭ سۋىق قىس دەپ اتادى. ءبىراق كوپ ۇزاماي كۇن جىلىنادى.