بۇل تۋرالى جاستار جىلىنىڭ ماقساتىنا ارنالعان دوڭگەلەك ۇستەلدە پارلامەنت سەناتىنىڭ ءتوراعاسى قاسىم- جومارت توقايەۆ ءمالىم ەتتى، دەپ حابارلايدى قازاقپارات.
«پرەزيدەنت جاريالاعان جاستار جىلىنىڭ ەڭ باستى ماقساتى - وسكەلەڭ ۇرپاقتىڭ بارىنشا ساپالى ءومىر سۇرۋىنە قاجەتتى جاعداي جاساۋ. ويتكەنى، جاستار - بۇل مەملەكەتىمىزدىڭ كۇش- قۋاتىن ەسەلەيتىن ەڭ نەگىزگى مىقتى بۋىن. قازاقستان وسىنداي ارىندى ۇرپاقتان كەندە ەمەس جاس مەملەكەت. ءاربىر ەكىنشى قازاقستاندىقتىڭ جاسى 30-دان تومەن بولسا، ازاماتتارىمىزدىڭ ورتاشا جاسى 34-تەن اسپايدى. مەملەكەت باسشىسى جۋىردا جاستارمەن وتكىزگەن كەزدەسۋىندە اتاپ كورسەتكەندەي، اعا بۋىن وكىلدەرى كەڭەس وداعى ىدىراعاننان كەيىنگى اسا كۇردەلى گەوساياسي احۋالدا جاڭا مەملەكەتتىڭ ىرگەتاسىن قالادى، مەملەكەتىمىزدى وركەنيەتتى ەلدەردىڭ قاتارىنا قوستى، كورشىلەس ەلدەرمەن ءتيىستى شارتتارعا قول قويىپ، شەكارانىڭ مىزعىماستىعىن قامتاماسىز ەتتى جانە قازاقستان ەكونوميكاسىنىڭ ودان ءارى قارقىندى دامۋى ءۇشىن قاجەتتى جاعداي جاسادى»، - دەپ توقتالدى سەنات ءتوراعاسى.
وسى ورايدا ول ەلباسىنىڭ ايرىقشا كۇش- جىگەرىنىڭ ارقاسىندا بۇگىندە ەلىمىز بارشا الەمگە تانىمال، ىقپالدى جانە بەدەلدى مەملەكەتكە اينالعانىن اتاپ ءوتتى.
«قازىر قازاق حالقىن بۇكىل الەم قاۋىمداستىعى قۇرمەتتەيدى جانە ونىڭ پىكىرىمەن ساناسادى. بۇل - ەل تاريحىندا بۇرىن- سوڭدى بولماعان، اتا-بابامىز ارمانداعان ەڭ ۇلكەن جەتىستىك. سوندىقتان پرەزيدەنت ايتىپ وتكەندەي، ەلىمىزدىڭ ەرتەڭى جاس ۇرپاقتىڭ قولىنداعى اسىل امانات»، - دەدى قاسىم-جومارت توقايەۆ.
بۇدان بۇرىن حابارلانعانداي، سەنات ءتوراعاسى مەكتەپتەگى زورلىق-زومبىلىققا كوز جۇمىپ قاراۋعا بولمايتىنىن اتاپ ءوتتى.