استانادا بوران باستالىپ، اياز كۇشەيدى.
«قازگيدرومەتتىڭ» اقپاراتى بويىنشا 5 - اقپان كۇنى استانا اۋماعىندا قار جاۋىپ، بۇرقاسىن بولادى. باتىستان، سولتۇستىك- شىعىستان سوققان جەل ەكپىنى سەكۋندىنا 15-20 مەتر بولادى، ال 6-7 اقپاندا تۇندە اياز -37-39 گرادۋسقا دەيىن جەتەدى. وسىعان بايلانىستى ەلوردا اكىمى باقىت سۇلتانوۆ قالا تۇرعىندارى مەن قوناقتارىنا ءوتىنىش ءبىلدىردى.
اكىم بارلىق ۇيىمداردىڭ باسشىلارىنا جانە جەكە كاسىپكەرلەرگە قاراتا ايازدا قالعان جاندارعا كومەك كورسەتۋگە جانە جۇمىس، وقۋ ورىندارى، تۇرعىن ءۇي- جايلارداعى جىلۋعا كوڭىل ءبولىپ، دالادا تۇرعان ادامدارعا جىلىنۋعا رۇقسات بەرۋگە، مۇمكىندىك بولسا بويىن جىلىتۋ ءۇشىن ىستىق شاي بەرۋگە شاقىردى.
باقىت سۇلتانوۆتىڭ ايتۋىنشا، قاتتى اياز كۇندەرى تۇرعىندارعا مۇقيات بولۋ، ءبىر- بىرىنە قامقورلىق كورسەتىپ، جاياۋ جۇرگىنشىلەردى مۇمكىندىگىنشە جەتكىزىپ سالعاندارى دۇرىس. قالا باسشىسى مەملەكەتتىك ورگاندار، ءبىلىم بەرۋ مەكەمەلەرى، كاسىپكەرلىك وبەكتىلەر (بازارلار، سوسو) جانە قۇرىلىس الاڭدارىندا جۇمىس ۋاقىتىن قىسقارتۋدى ۇسىندى. ال قالا تىرشىلىگىن قامتاماسىز ەتەتىن ءورت ءسوندىرۋ، پوليتسيا قىزمەتى، توتەنشە جاعدايلار دەپارتامەنتى، جەدەل مەديتسينالىق كومەك، مەديتسينالىق مەكەمەلەر، كوممۋنالدىق قىزمەت قىزمەتكەرلەرى ادەتتەگى كەستەمەن جۇمىسىن جالعاستىرادى.
اۋدان اكىمدەرىنە پاتەر يەلەرى كووپەراتيۆتەرىمەن بىرلەسە وتىرىپ تۇرعىنداردىڭ قاۋىپسىزدىگىن قامتاماسىز ەتۋ، تۇرعىن ۇيلەردىڭ قاسبەتتەرىن جانە ءۇي- جايلاردىڭ شاتىرىنىڭ، قورشاۋلاردىڭ ۇشۋىنان بولاتىن جازاتايىم وقيعالاردىڭ الدىن الۋ ماسەلەلەرىن پىسىقتاۋ تاپسىرىلدى. ودان بولەك، اكىم قالالىق كوممۋنالدىق قىزمەتتەرگە قوعامدىق كولىك جولاۋشىلارىنا ارناپ ايالدامالاردا جانە ادام كوپ جينالاتىن ورىنداردا جىلىنۋ ورىندارىن ۇيىمداستىرۋدى جانە ت ج د- ءنىڭ جۇمىسىن كۇشەيتۋدى تاپسىردى.
سونىمەن قاتار، جولاۋشىلار قاۋىپسىزدىگىن قامتاماسىز ەتۋ ماقساتىندا قالادان تەلمان كەنتى، قوسشى جانە پريگورودنىيعا قاتىنايتىن نەگىزگى باعىتتار بويىنشا ت ج د- نىڭ ارنايى تەحنيكاسى كەزەكشىلىكتە جۇرەتىن بولادى. قۇتقارۋشىلار «ازيا پارك» س ۇ، «سايانۇر-2» ت ك، بەيسەكوۆا كوشەسىنەن قاتىنايتىن بولادى.