بۇگىن تۇندە بولعان ءورت كەزىندە بەس بالا قازا بولدى. ولاردىڭ اتا- انالارى تۇنگى جۇمىسقا شىعىپ كەتكەن، دەپ حابارلايدى قازاقپارات ءتىلشىسى.
«ارينە، بۇل جەردە بالالاردى قاراۋسىز قالدىرۋ ماسەلەسى بار. اتالعان باپ قىلمىستىق جاۋاپكەرشىلىكتىڭ ءبىرى رەتىندە قاراستىرىلادى. ەندى، ونى تەرگەۋ ورگاندارى مەن سوتتىڭ شەشىمى كورسەتەدى. نەگىزى، جازعى ۋاقىتتا بالالاردى قاراۋسىز قالدىرعاندا بىرەۋى سۋعا باتىپ كەتەدى جانە تاعىسىن تاعى. سوندا بالا قايتىس بولسا، اتا- انالاردى جاۋاپقا تارتادى. ويتكەنى بۇل جەردە بالا ءۇشىن جاۋاپكەرشىلىك ماسەلەسى بار. ال بۇگىن تۇندە بولعان قايعىلى وقيعادا ءبىر ەمەس، بەس بىردەي بالا قايتىس بولدى. سول سەبەپتى جاۋاپكەرشىلىكتى تەرگەۋ ورگاندارى مەن سوت انىقتايدى» ، - دەدى يۋ. يلين استانادا وتكەن باسپا ءسوز ءماسليحاتىندا.
ايتا كەتەيىك، بۇگىن ق ر ىشكى ىستەر مينيسترلىگى استاناداعى قايعىلى وقيعانىڭ ءمان- جايىن ءتۇسىندىردى. تەرگەۋ ماتەريالدارىنا سايكەس، ءۇيدىڭ وتاعاسىن تۇنگى ۋاقىتتا جۇمىس بەرۋشىسى شاقىرىپ الدى.
ۆيتسە- مينيستر يۋري يلين بەس بالانىڭ ءومىرىن جالماپ كەتكەن ءورتتىڭ الدىن الا سەبەبىن دە جاريالادى.
بۇدان بولەك، مينيسترلىك پەشى بار ءاربىر ۇيگە ارنايى داتچيك ورناتۋعا كەڭەس بەردى.