قىتايدىڭ جۇمىسپەن قامتۋ، جاتتىعۋ جانە تەحنيكالىق نۇسقاۋلار ورتالىعى كاسىپقوي گەيمەرلەر جارىسقا قاتىسىپ، باسقا ويىنشىلاردى ۇيرەتىپ، سونداي- اق جاڭا ويىندى ازىرلەۋمەن پايدا تاباتىنىن العا تارتقان. بۇدان بولەك - ويىن وپەراتورلارى ماماندىعى بار. ولار ويىنداردى دامىتۋمەن جانە جاڭا ويىنداردى ازىرلەۋمەن اينالىسادى. سوڭعى ۋاقىتتا قىتايدىڭ ويىن نارىعىنداعى ۇلەسى ارتىپ كەلەدى ءارى «اسپان استى» ەلى كيبەرسپورتشىلارىنىڭ سانى بويىنشا الەمدە كوش باسىندا.
ازىرگە قىتايدىڭ كيبەرسپورتتاعى باستى جەتىستىگى - The Intenational 2018 جارىسىندا LGD كومانداسىنىڭ جەڭىسكە جەتۋى. 2015 -جىلى قىتاي ۇكىمەتى كيبەرسپورتشىلاردى دايىندايتىن ورتالىقتار اشتى. كيبەرسپورت. ەرمەك پە الدە سپورت پا؟ كيبەرسپورت - كومپيۋتەر ويىندارى ارقىلى وتكىزىلەتىن توپتىق جارىس ءتۇرى. كيبەرسپورت تاريحى 1997 -جىلدان باستاپ، CPL- نى (The Cyberathlete Professional League) قۇرىلۋىنان جانە دە ولاردىڭ Quake اتتى كومپيۋتەر ويىنىنان جارىس وتكىزۋىنەن باستاۋ الادى.
كيبەرسپورت دۇنيەجۇزىندەگى قارقىندى دامىپ كەلە جاتقان سپورت ءتۇرى رەتىندە سانالادى. 1997 -جىلدان باستاپ وسى كەزگە دەيىن تۋرنيرلەر ءار جىل سايىن Warcraft IIى، LoL، Dota2, Counter-strike, PlayerUnknown's Battleground جانە دە Starcraft اتتى كومپيۋتەر ويىندارىنان وتكىزىلىپ كەلەدى. سوڭعى ۋاقىتتا بۇل ەرەكشە سپورت ءتۇرىن وليمپيادا باعدارلاماسىنا قوسۋ تۋرالى باستامالار ءجيى ايتىلۋدا. ءبىزدىڭ ەلدە جاستارعا ارنالعان كيبەرسپورت اكادەمياسى قۇرىلادى. العاشقى ورتالىق الداعى بىرەر ايدا استانا قالاسىندا اشىلادى دەپ جوسپارلانىپ وتىر.
جوبانىڭ جۇمىس اتاۋى Esports Academy بولماق. اكادەميادا CS: GO ءتارتىبى بويىنشا دايىندىق جۇرگىزىلىپ، شەبەرلىك ساعاتتارى مەن 12-20 جاس ارالىعىنداعى جاسوسپىرىمدەر اراسىندا جارىستار وتكىزىلەدى. بۇل ويىن الەمدە جاقسى تانىمال. CS: GO بويىنشا كوپتەگەن ۇيىمدار بار جانە ءار ءتۇرلى دەڭگەيدەگى جارىستار ءوتىپ تۇرادى. الدىن الا باعام بويىنشا ەلىمىزدە 1,5 ميلليونعا جۋىق بەلسەندى ويىنشىلار بار. سونداي- اق، ون شاقتى كيبەرسپورت كوماندالارى باق سىناپ ءجۇر. ۇزدىكتەرى - AVANGAR جانە Gambit Esports. اتالمىش ۇجىمدار الەمدىك جانە تمد ەلدەرىنىڭ ءار ءتۇرلى رەيتينگىلەرىندە جوعارى ورىنداردان كورىنەدى.
Massaget.kz