«قازىرگى ۋاقىتتا جاستاردى ساپالى جانە قولجەتىمدى ءبىلىم، جۇمىس، باسپانا، سونداي-اق وتباسىن قۇرۋ ماسەلەلەرى ءجيى مازالايدى. «جاستار» عىلىمي- زەرتتەۋ ورتالىعىنىڭ 2018 -جىلى جۇرگىزگەن الەۋمەتتىك ساۋالناماسىنىڭ ناتيجەسى كورسەتكەندەي، جاستاردىڭ جۇمىسقا ورنالاسۋ مۇمكىندىكتەرى مازالايدى، ال - تۇرعىن ءۇي جاعدايلارىنا الاڭدايدى. ءدال وسى نەگىزگى ماسەلەلەردى شەشۋگە ەلباسى باسا نازار اۋدارىپ وتىر»، - دەدى ا. حاميت.
ول ءۇشىن ەلىمىزدە جاستاردى جۇمىسپەن قامتۋعا باعىتتالعان شارالاردى كۇشەيتۋ كەرەك.
«جۇمىس ىزدەپ جۇرگەن جاستارعا كومەك كورسەتەتىن ەڭبەك بيرجالارىنىڭ، جاستار رەسۋرستىق ورتالىقتارىنىڭ جۇمىسىن وڭتايلاندىرۋ قاجەت. ەڭبەك نارىعىندا جاستارعا قولداۋ كورسەتۋگە مامانداناتىن جاستار ۇيىمدارىنىڭ جۇيەلى جارناما ناۋقانىنا كوڭىل ءبولۋ قاجەت، سەبەبى جاستار ولاردىڭ جۇمىس باعىتتارى تۋرالى كوپ بىلە بەرمەيدى»، - دەيدى الەۋمەتتانۋشى.
سونداي-اق، زەرتتەۋشى جاستار جىلىنا وراي كوپتەگەن سالالاردا جاستارعا ارنايى قامقورلىق كورسەتۋدى ۇسىندى.
«جاستار ەلىمىزدە حالىق سانىنىڭ شامامەن تورتتەن ءبىر بولىگىن قۇرايدى. ولار قوعام ءومىرىنىڭ بارلىق سالالارىندا ەڭبەك ەتىپ، ۇلەس قوسىپ ءجۇر. ءوندىرىس-ونەركاسىپتە، كاسىپكەرلىكتە، اۋىل شارۋاشىلىعىندا، عىلىمدا، ونەردە، ۆولونتەرلىك، تۋريزم، دەنساۋلىق ساقتاۋ مەن سپورت جانە باسقا سالالاردا جاستاردى قولداۋ مەملەكەتتىك ساياساتتىڭ باسىم باعىتىنا اينالۋى ءتيىس. اسىرەسە ەلباسىنىڭ جاس عالىمداردى قولداۋ جونىندەگى باستاماسى وتە ماڭىزدى. بيىل جاس عالىمدارعا ارنايى قارجىلىق قولداۋ قورى قۇرىلىپ، ىرگەلى جانە قولدانبالى عىلىمنىڭ دامۋىنا 3 ميلليارد تەڭگە بولىنەدى. بۇل - عىلىم جولىن قۋعان جاستار ءۇشىن ۇلكەن مۇمكىندىك»، - دەيدى ايدار حاميت.