سول سەبەپتى جاپون تاعامدارى نەگىزىندەگى ديەتا وتە پايدالى بولادى. 14 كۇندىك بۇل ديەتا سالماعىڭىزدى قالىپتى ەتۋگە كومەكتەسىپ، اسەردى ۇزاققا ساقتاي الادى ەكەن. جاپون ديەتاسى زات الماسۋدى رەتتەۋگە ارنالعان، سوندىقتان اعزانىڭ اسقورىتۋ جۇيەسى دۇرىس، جاڭا جۇيەگە ۇيرەنەدى. جاپون ديەتاسىنىڭ تاعامدارعا تالابى وتە قاتال. مىنا تاعامداردى ءتىپتى از مولشەردە تاماققا قوسۋعا، ءىشىپ- جەۋگە بولمايدى:
تۇز - اعزادا سۋدىڭ تۇرىپ قالۋىنىڭ بىردەن- ءبىر سەبەپشىسى. قانت. ونداعى قاراپايىم كومىرسۋلار تەز ارادا ارتىق سالماققا اينالادى. ىشىمدىك. زات الماسۋدى باياۋلاتىپ، ادام اعزاسىنان ۋلى زاتتاردىڭ شىعۋىنا توسقاۋىل بولادى.
بيداي نانى.
نان، اسىرەسە بيداي ۇنىنان پىسىرىلگەن ءتۇرى، ارتىق سالماقتىڭ دانەكەرى. جاپون ديەتاسى كوكونىستەر مەن جەمىستەرگە، ىرىمشىك پەن بالىققا، ەتكە نەگىزدەلگەن، تىم ءتاتتى بانان، ءىنجىر، ءجۇزىمدى جەۋگە بولمايدى. ەت پەن بالىقتى وسىمدىك مايلارىنا قۋىرۋعا رۇقسات. ال استىڭ بىرتۇرلىگىنەن شارشاماۋ ءۇشىن، وسىمدىك مايلارىنىڭ تۇرلەرىن الماستىرۋعا بولادى.
جاپون ديەتاسىن تانىمال جاپوندىق ديەتولوگ ماماندار جاساعان. ديەتاعا جاپون ءداستۇرلى تاعامدارى دا، سونىمەن قاتار ءداستۇرلى داستارحانعا مۇلدەم ساي كەلمەيتىن تاعام تۇرلەرى دە كىرەدى. مىسالى، جاپون ديەتاسى بويىنشا كوفەنى كوپ ىشۋگە بولادى، ءبىراق ول جاپونياداعى ەڭ تانىمال سۋسىنداردىڭ قاتارىنا كىرمەيدى. سونداي- اق ديەتا شارتتارىندا تۇز تۇرماق، تاماققا ەش دامدەۋىشتەردى دە قوسۋعا بولمايدى. ال بۇل جاپون ءداستۇرلى داستارحانى ءۇشىن جات. جاپون ديەتاسى بويىنشا تاڭعى اسقا تەك قارا كوفە ستاقانىن ءىشۋ كەرەك. اراسىندا كوك شاي ءىشىپ، جەمىس جەۋگە رۇقسات. الايدا، كوفە - جاپون ديەتاسىنىڭ نەگىزى.
ديەتولوگتار ايتۋىنشا، تابيعي، جوعارى ساپالى كوفەنىڭ قۇرامىنداعى انتيوكسيدانتتار دەنساۋلىققا پايدالى. تۇسكى اسقا جاپون ديەتاسى سىزگە بالىق نەمەسە ەتتى كوكونىستەرمەن جەۋگە كەڭەس بەرەدى. سالاتقا كوكونىستەدى ەتپەن بىرگە بۇقتىرۋعا بولادى. وعان قوسا، جاپون ديەتاسى تۇسكى استىڭ شاماسىنا شەك قويمايدى. كەشكى اس - جاپون ديەتاسى بويىنشا راتسيوننىڭ ەڭ ماڭىزدى بولىگى. پىسكەن جۇمىرتقا، ايران، ىرىمشىك، جەمىستىڭ كەز كەلگەن ءتۇرىن تاڭداساڭىز بولادى. قالاساڭىز، ءتىپتى كەشكى استا بالىق نە ەت، تاۋىق جەسەڭىز بولادى. ارينە كەشكى استىڭ ۇلەسى الدەقايدا از بولعانى ءجون. 14 كۇندە وسىنداي ءبىر قاراعاندا ءداستۇرلى ەمەس، ەرەكشە ديەتانىڭ ارقاسىندا 7-8 ك گ- نان ارىلۋعا بولادى ەكەن. وسى سەبەپتى دارىگەر ماماندار بۇل ديەتانى جىلىنا ەكى رەتتەن ءجيى ۇستانۋعا بولمايدى دەسەدى. دارىگەرلەر جاپون ديەتاسىن زات الماسۋدى رەتكە كەلتىرىپ، ناتيجەنى ۇزاق ۋاقىتقا ساقتاي الاتىن بىردەن- ءبىر ديەتا دەپ سيپاتتايدى. ارينە، ديەتادان كەيىن دە سالاۋاتتى ءومىر سالتىن ۇستانىپ، دۇرىس تاماقتانۋ كەرەك.
Massaget.kz