ۆەدومستۆونىڭ مالىمەتىنشە، بۇل ۆەب- رەسۋرس جاستاردىڭ جۇمىسپەن قامتىلۋ دەڭگەيى مەن ءومىر ساپاسىن جاقسارتۋعا باعىتتالعان.
«ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ ماگيسترانتتارى «ەڭبەك رەسۋرستارىن دامىتۋ ورتالىعى» ا ق- مەن بىرلەسىپ، 2017-2021 -جىلدارى ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ مەملەكەتتىك باعدارلاماسىنىڭ بارىسى تۋرالى اقپارات بەرەتىن سايت قۇردى. ونىڭ ماقساتى - 2019 -جىلدىڭ 25 - مامىرىنا دەيىن جۇمىسسىز جاستاردىڭ 3 پايىزىن تارتۋ» ، - دەلىنگەن تاراتىلعان اقپاراتتا.
«ەڭبەككە جول» جوباسى ءۇش باعىت بويىنشا جۇمىس ىستەپ جاتقانى اتاپ وتىلەدى: باعدارلاما قاتىسۋشىلارىنا تەحنيكالىق جانە كاسىبي ءبىلىم بەرۋ، قىسقامەرزىمدى وقىتۋ، جاپپاي كاسىپكەرلىكتى دامىتۋ، تۇرعىنداردىڭ جۇمىسپەن قامتىلۋى جانە ەڭبەك رەسۋرستارىنىڭ موبيلدىلىگى ارقىلى ەڭبەك نارىعىن دامىتۋ.
باعدارلاماعا 9-11-سىنىپ وقۋشىلارى، كاسىبي ءبىلىمى جوق جانە ءبىلىم مەكەمەلەرىنە وقۋعا تۇسپەگەن تۇلعالار، از قامتىلعان وتباسىلاردان شىققان بالالار، جۇمىس ىزدەپ جاتقان نەمەسە جۇمىسسىز ادامدار قاتىسا الادى.
اۆتور: دامير بايمانوۆ