ادام اعزاسىنداعى جاسۋشالاردىڭ سانى - 100.000.000.000.000 (100 تريلليون نەمەسە 1014) . ەڭ از ءومىر سۇرەتىنى ىشەك ەپيتەليى دەپ اتالادى. كۇن سايىن ولاردىڭ 70 ميللياردى ولەدى. عىلىمعا ءمالىمى، ادام تۋىلعاندا 14 ميلليارد جۇيكە جاسۋشاسى بولادى. ولار ەشقاشان كوبەيمەيدى. ال 25 جاستان اسقاننان سوڭ كۇندە 100 مىڭعا ازايىپ وتىراتىنى تاعى بار. جۇيكە جاسۋشالارى - دامىعان مورفولوگياسى بار كۇردەلى قۇرىلىم. ادەتتە، جۇيكە جۇيسىندە باسقا نەيروندارمەن بايلانىستىراتىن بىرنەشە تارماقتالعان وسكىن بار. مۇنداي بايلانىستاردىڭ جوعالۋى - جۇيكە جۇيەسىندەگى ءبىرقاتار اۋرۋلارعا نەگىز بولادى.
جاسۋشا جۇيكە جۇيەسىندەگى ءوز ورنىن الۋ ءۇشىن قيىن جولداردان ءوتىپ، بايلانىس جاساۋ ءۇشىن ارىپتەستەرىن تابۋى قاجەت. جۇيكە جاسۋشاسىنىڭ بولىنبەيتىنى بارىمىزگە بەلگىلى. ولاردى جاساندى تۇردە ءبولۋ نەيرونداردىڭ ءولىپ كەتۋىنە اكەلگەن ەدى. جاسۋشا بولىنگەن جاعدايدا ونىڭ بايلانىسى جوعالىپ، جۇمىسى توقتايدى. سول سەبەپتى جۇيكە جاسۋشاسى قايتا قالپىنا كەلمەيدى دەيمىز. دەگەنمەن ءبىزدىڭ ميىمىزدا باستاماشى جاسۋشالاردان جاڭا جاسۋشانى قالىپتاستىرۋ ءۇردىسى بار. بۇل پروتسەسس - نەيروگەنەز دەپ اتالادى. نەيروگەنەزدىڭ ەڭ جاقسى سيپاتتالعان ەكى ءتۇرى - گيپپوكامپتىڭ ءتىستى قاتپارى جانە سۋبۆەنتريكۋليارلى اۋماق. بۇل اۋماقتاردا كۇن سايىن جاڭا جۇيكە جاسۋشالارى پايدا بولىپ، سودان كەيىن ميدىڭ قاجەتتى بولىكتەرىنە قونىس اۋدارادى. الايدا نەيروگەنەزدىڭ قاجەتتىگى، ونىڭ اتقاراتىن قىزمەتى ءالى كۇنگە دەيىن قۇپيا بولىپ وتىر.
Massaget.kz