بۇل تۋرالى ەلباسى كىتاپحاناسىنا كەلگەن قازاقستان رەسپۋبليكاسىنداعى فرانتسيا ەلشىلىگىنىڭ مادەنيەت جانە سەرىكتەستىك ماسەلەلەرى بويىنشا كەڭەسشىسى لور كاستەن مالىمدەدى، دەپ حابارلايدى قازاقپارات.
كاستەن حانىم قازاق مەملەكەتتىگىنىڭ تاريحىن، اسىرەسە ХІХ-ХХ عاسىرلار كەزەڭىن ەرەكشە قىزىعۋشىلىقپەن وقىپ جاتقانىن اتاپ ءوتتى.
«قازاقستانعا العاش كەلۋىم. بەس ايدان بەرى ەكى ەل اراسىنداعى مادەنيەت جانە سەرىكتەستىك ماسەلەلەرى بويىنشا جۇمىس ىستەپ جاتىرمىن. بۇگىن ءسانى جاراسقان نازاربايەۆ ورتالىعىندا بولىپ، مەملەكەتتىڭ تاريحىنا سۇڭگىپ كەتكەندەي كۇي كەشتىم. ەلباسى كىتاپحاناسىندا قازاقستان پرەزيدەنتى نۇرسۇلتان نازاربايەۆتىڭ ماراپاتتار ەكسپوزيتسياسى ەرەكشە اسەر ەتتى. بۇل جەردى اسىقپاي، ءار ەكسپوناتتىڭ قىزىقتى تاريحىنا ۇڭىلە وتىرا ارالاۋ كەرەك» ، - دەدى لور كاستەن.
سونىمەن قاتار، فرانسيا وكىلى بۇگىندە رەسەي مەن قازاقستان اراسىنداعى ىسكەرلىك جانە مادەني بايلانىستار وتە جوعارى دەڭگەيدە ەكەنىن، الايدا ونى، اسىرەسە، ءبىلىم مەن تۋريزم سالاسىندا تەرەڭدەتە ءتۇسۋ كەرەكتىگىن اتاپ ءوتتى.
«تۋىستارىم مەن دوستارىما قازاقستان تۋرالى ايتقاندا، ەڭ ءبىرىنشى اۋىزعا ىلىگەتىنى - قازاق حالقىنىڭ شەكسىز قوناقجايلىعى، قوناق كۇتە الۋى، جايدارى مىنەزى مەن كەڭپەيىلدىگى. ونىمەن قوسا، مەن ءۇشىن قازاقستان مەن اباي ۇعىمدارى - ەگىز. ونىڭ شىعارمالارى ومىرلىك فيلوسوفياسىنىڭ تەرەڭدىگىمەن جانىڭدى باۋراپ الادى. ءار كەش سايىن دوستارىما قازاقستان تۋرالى فوتوسۋرەتتەر جىبەرەمىن. بۇل كەز كەلگەن حالىقتىڭ ءداستۇرى مەن مادەنيەتىن كەڭ تانىتىپ، پاش ەتۋدىڭ ەڭ ءبىر جىلدام ءتاسىلى دەسە دە بولادى. بۇعان تىم اۋەستەنىپ كەتكەنىم سونداي، جىبەرگەن سۋرەتتەر مەن ايتقان مالىمەتتەردەن كەيىن تۋىستارىم مەن دوستارىم قازاقستاندى قاتتى كورگىسى كەلەدى» ، - دەيدى كاستەن حانىم.