ونىڭ ايتۋىنشا، كەز كەلگەن قوعامدا ەلدىڭ وركەنيەت كوشىنە ىلەسىپ نە ارتتا قالعانىن جاستارىنىڭ بەلسەندىلىگىنەن بايقاۋعا بولادى.
جاستار تاربيەسىمەن جۇمىستى جاقسارتۋ، ەگەمەن ەلىمىزدىڭ سالاۋاتتى ۇرپاقتارىن قالىپتاستىرۋ - ەلباسىنىڭ ءار جولداۋىندا اتاپ كورسەتىلەتىن باستى مىندەتتەردىڭ ءبىرى.
- مەملەكەت باسشىسىنىڭ 2019-جىلدى جاستار جىلى دەپ جاريالاۋىنىڭ ءوزى ءارقاشان جاستاردى قولداپ، ولاردىڭ ءاربىر ءىس-ارەكەتىنە كوڭىل ءبولىپ، جاسالىنىپ جاتقان جۇمىستارعا وڭ باعاسىن بەرىپ وتىرعانىنىڭ ناقتى دالەلى دەپ بىلەمىن. سوندىقتان دا ەگەمەندى ەلدىڭ بەلسەندى جاستارى بۇل جىلدا ەل بولاشاعىنا ايتارلىقتاي سەپتىگىن تيگىزەتىن تىڭ جوبالارمەن جانە جاقسى كورسەتكىشتەرمەن ەلباسى ارتقان سەنىمدى ابىرويمەن اتقارا الادى. وسى ورايدا 23- قاڭتار كۇنى وتكەن «تاۋەلسىزدىك ۇرپاقتارى» اتتى فورۋمدا پرەزيدەنت سالتاناتتى تۇردە اشىپ بەرگەن جاستار جىلى ءبىز ءۇشىن ۇلكەن مۇمكىندىك دەپ ەسەپتەيمىن. م. وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىنىڭ ستۋدەنت-جاستارى (بارلىعى 4 مىڭنان استام ادام) جاستار جىلىنىڭ سالتاناتتى اشىلۋىن تىكەلەي ەفيردەن تاماشالاپ، ەرەكشە اسەر الدى. ەلباسى جيىن بارىسىندا اتاپ وتكەن باعىتتارداعى جوبالاردى جۇزەگە اسىرۋعا باتىس قازاقستاندىق جاستاردىڭ دا ءوز ۇلەستەرىن قوساتىنىنا سەنىمدىمىن. جاقسى ناتيجەلەرگە تولى تابىستى جىل بولسىن! - دەدى «قازاقپارات» تىلشىسىنە ا. قونىسبايەۆ.
ەسكە سالا كەتەيىك، بۇدان بۇرىن باتىسقازاقستاندىق ستۋدەنتتىڭ بولاشاقتا اۋىل شارۋاشىلىعى سالاسىن دامىتقىسى كەلەتىنىن جازعان بولاتىنبىز.