جوسپارعا سايكەس، قوردىڭ قارجىسىنا دەنساۋلىق ساقتاۋ جانە سالاۋاتتى ءومىر سالتىن قالىپتاستىرۋ شارالارى ۇيىمداستىرىلادى. بۇدان بولەك، ۇكىمەتتىك ەمەس ۇيىمداردىڭ ونى قوسىمشا قارجى كوزى رەتىندە پايدالانا الادى. ال قوردىڭ قاراجاتىن الكوگول جانە تەمەكى ونىمدەرىن شىعاراتىن كومپانيالار اۋدارىپ وتىرادى. ق ر دەنساۋلىق ساقتاۋ مينيسترلىگى اكسيز ستاۆكاسىنىڭ 2 پروتسەنتىن قوردىڭ جارناسى رەتىندە بەكىتۋدى ۇسىنىپ وتىر. وسىنىڭ ارقاسىندا دەنساۋلىق قورىنا جىل سايىن شامامەن 5-6 ميلليارد تەڭگە تۇسەدى دەگەن بولجام بار.
«بۇگىندە مينيسترلىكتە دەنساۋلىق قورىنىڭ ستراتەگياسىنا قاتىستى ناقتى ۇستانىم جوق. قور قانداي ەرەجەلەر بويىنشا جۇمىس ىستەيدى؟ ونىڭ قۇرامىنا كىمدەر كىرەدى؟ قورعا تۇسكەن قارجى قالاي تاراتىلادى؟ ونى كىم جانە قالاي باقىلايدى؟ وسى ىسپەتتى سۇراقتار كوپ. بۇگىندە وسى سالاداعى كومپانيالاردىڭ سالىقتىق جۇكتەمەسى دە از ەمەس. اكتسيزدىڭ ءوزى ءونىم باعاسىنىڭ 50-60 پروتسەنتىن الىپ وتىر. وسىعان بايلانىستى ق ر دەنساۋلىق ساقتاۋ مينيسترلىگىنە قوردى بيۋدجەتتىڭ ەسەبىنەن قارجىلاندىرۋ جاعىن ويلاستىرۋ قاجەت. سوندا بيزنەسكە قوسىمشا سالىقتىق جۇكتەمە تۇسپەيدى» ، - دەلىنگەن رەسمي حابارلامادا.
ايتا كەتەيىك، بۇگىنگى تىڭداۋدا تەمەكى ونىمدەرىن ساتۋعا قاتىستى شەكتەۋلەر دە تالقىعا سالىندى. اتاپ ايتقاندا، كودەكستە ءبىلىم مەكەمەلەرىنەن 100 مەتر قاشىقتىقتا تەمەكى ونىمدەرىن ساتۋعا تىيىم سالىنعان. بۇدان بولەك، تەمەكى ونىمدەرىن سورەگە قويۋعا بولمايدى. ال شاعىن ساۋدا ورىندارى (اۋدانى 10 شارشى مەترگە دەيىنگى) تەمەكىنى مۇلدەم ساتا المايدى.