استانادان ماسكەۋگە ۇشىپ بارعان ۇشاق توتەنشە جاعدايعا تاپ بولدى
11:56, 22 - قاڭتار 2019
استانا. قازاقپارات - ماسكەۋدەگى شەرەمەتيەۆو اۋەجايىنا استانادان ۇشىپ كەلگەن ۇشاق ۇشۋ-قونۋ جولاعىنان شىعىپ كەتتى دەپ حابارلايدى ر ي ا «نوۆوستي» توتەنشە جاعدايلار قىزمەتىنە سىلتەمە جاساپ.
Boeing 737 بورتىندا 77 جولاۋشى مەن 6 ەكيپاج مۇشەسى بولعان.
الدىن الا حابارلانعان اقپارات بويىنشا، وقيعا سالدارىنان ەشكىم زارداپ شەكپەگەن.
سونىمەن بىرگە، ۇشاقتىڭ دا زاقىمدالعانى تۋرالى ەش مالىمەت جوق.
وقيعا ورنىندا ماماندار جۇمىس ىستەپ جاتىر. ولار بولعان جايتتىڭ سەبەبى مەن ءمان-جايىن انىقتاۋدا.