دەپ حابارلايدى pavlodarnews.kz.
«رەكوردتار كىتابىنا ەنۋ ءۇشىن بارلىق قۇجاتتارىم مەن ب ا ق- تا شىققان ماقالالاردى، ۆيدەولاردى تاپسىرعان بولاتىنمىن. ارنايى كوميسسيا ءبىر جىلداي قاراپ، الماتى قالاسىنىڭ «تۇران» ۋنيۆەرسيتەتىندە وتكەن سالتاناتتى ماراپاتتاۋ راسىمىنە شاقىرتۋ الدىم. الايدا، ءتۇرلى سەبەپتەرگە بايلانىستى بارا المادىم. ۇيىمداستىرۋشىلار ەلىمىز بويىنشا 2014-2018 -جىلدار ارالىعىندا ەنگەن ادامدار تۋرالى مالىمەتتەر جيناستىرىلعان كىتاپتى بەرىپ جىبەردى. بۇل اللانىڭ بەرگەن كۇش- قۋاتى، اتا تەگىمىزبەن دارىعان ونەر دەپ بىلەمىن، - دەيدى جەڭىسبەك قادىر ۇلى.
جەڭىسبەك قادىر ۇلى 1972 -جىلى موڭعوليانىڭ بايان- ولگەي ايماعىندا دۇنيەگە كەلگەن. سالماعى بەس كەلى بولىپ تۋعان بالانى اناسى ءشاربانۋ كوپ ۋاقىتقا دەيىن ەشكىمگە كورسەتپەي وسىرگەن. ءۇش جاسىندا ويناپ ءجۇرىپ، ۇلكەن قوزىلاردى ۇستاپ مىنگەندە بەلىن سىندىرىپ جىبەرگەن. پىشاقپەن دەنەسىن كەسىپ، وتكىر ارانىڭ جۇزىنە، شىنىنىڭ ۇستىنە جاتىپ، ۇستىنەن ون شاقتى ادامدى وتكىزەتىن ەكسترەمال تىسىمەن 32 كەلىلىك كىر تاسىن كوتەرەدى. سونداي- اق، ەكى شىناشاعىمەن كوتەرەتىن ەكى 16 كەلىلىك كىر تاسىنىڭ سالماعىن 24 كەلىگە دەيىن جەتكىزۋدى جوسپارلاپ وتىر. بىرەگەي ونەر يەسى 12 جاسىندا ەرەكشە ءتۇس كورگەنىن ايتادى.
«تۇسىمدە ءبىر ادامنىڭ «پىشاقپەن دەنەڭدى كەسسەڭ، قان شىقپايدى» دەپ ايتقانى ەسىمدە. سودان اقىرىن ەشكىمگە كورسەتپەي تاجىريبە جاساي باستادىم. العاش رەت ابايدىڭ 150 جىلدىعىندا كوپشىلىكتىڭ الدىندا تاماعىمدى كەسىپ كوردىم»، - دەيدى ول.
ايتا كەتەرلىگى، ەكسترەمال 2012 -جىلى «ايماقتار الامانى» رەسپۋبليكالىق جوباسىنا قاتىسىپ، باس جۇلدەنى جەڭىپ العان. ق ر «مادەنيەت مايتالمانى» مەدالىمەن ماراپاتتالعان. ومبى قالاسىنىڭ 300 جىلدىعىندا ءۇش كۇن قاتارىنان ونەر كورسەتىپ، «باتىر جەڭىسبەك» دەگەن اتاققا يە بولعان. «قازاقستاننىڭ ەرەكشە بەس ادامى» قاتارىنا ەنگەن. قازىرگى تاڭدا گ. پوتانين اتىنداعى پاۆلودار وبلىستىق تاريحي- ولكەتانۋ مۋزەيىندە كوپشىلىك اعارتۋ ءبولىمىنىڭ مامانى بولىپ جۇمىس ىستەيدى.