الماتى حالىقارالىق اۋەجايىنىڭ مالىمەتىندە كورسەتىلگەندەي، «Lufthansa» اۋە كومپانياسىنىڭ فرانكفۋرتتان الماتىعا كەلۋى ءتيىس LH648 رەيسى ۇشپايتىن بولدى. اتالعان رەيس 16- قاڭتاردا تۇنگى 00:50 دە الماتى اۋەجايىنا قونۋى ءتيىس ەدى.
سونىمەن قاتار، «ەير استانا» كومپانياسىنىڭ ماينداعى فرانكفۋرتقا ۇشاتىن KC 921 رەيسى دە توقتاتىلدى. كەستە بويىنشا ول 15- قاڭتاردا 16:10 دا ەۋروپاعا جەتۋى قاجەت.
مۇنىڭ الدىندا گەرمانيانىڭ سەگىز اۋەجايىندا ەرەۋىل بولاتىنىن حابارلاعان ەدىك.
اتاپ ايتار بولساق، Ver.di كاسىپوداعى ەلدەگى سەگىز اۋەجايدىڭ قاۋىپسىزدىك قىزمەتتەرى وكىلدەرىن ەرەۋىلگە شاقىردى.
ماينداعى فرانكفۋرت، گاننوۆەر، برەمەن، گامبۋرگ، ميۋنحەن، لەيپتسيگ، درەزدەن جانە ەرفۋرت قالالارى اۋەجايلارىنىڭ قاۋىپسىزدىك قىزمەتكەرلەرى 15- قاڭتار، سەيسەنبى كۇنى ەرەۋىلگە شىقپاق. سوعان بايلانىستى، اتالعان اۋەجايلار جۇمىسىندا ايتارلىقتاي ۇزىلىستەر بولۋى مۇمكىن.