«بەلسەندىلەر پارتيالىقتارعا مەكتەپتەردىڭ اس مازىرىنە قۇرت پەن ىرىمشىك سياقتى قازاقتىڭ ۇلتتىق تاعامدارىن ەنگىزۋدى ۇسىندى.
ىنتالى توپتىڭ مۇشەسى گۇلنار وماروۆانىڭ ايتۋىنشا، ەگەر ونى ادەمىلەپ وراپ بەرسە، بالالار ءسۇيسىنىپ جەيتىن تاعامداردىڭ ءبىرى بولادى.
كەزدەسۋدىڭ قورىتىندىسى بويىنشا پارتيا حاتشىسى يليا تەرەنچەنكو بەلسەندىلەردىڭ كوتەرگەن ماسەلەلەرىنىڭ وزەكتىلىگى مەن ماڭىزدىلىعىن اتاپ ءوتىپ، باستاماشى توپ مۇشەلەرىنىڭ 14 قاڭتاردان ءوز جۇمىسىن باستايتىن رەسپۋبليكالىق مونيتورينگ توبىنىڭ قۇرامىنا ەنەتىنىن حابارلادى.
ونىڭ ايتۋىنشا، «مەكتەپ اسحانالارى» جوباسىنىڭ اياسىندا اعىمداعى جىلدىڭ 1 - ناۋرىزىنا دەيىن پارتيالىقتار مىڭعا جۋىق مەكتەپ اسحانالارىنا مونيتورينگ جۇرگىزۋدى جوسپارلاپ وتىر.
«ءبىزدىڭ ماقساتىمىز - بارلىق تاراپتاردى قاناعانتتاندىراتىن اس ءمازىرىن قالىپتاستىرۋ، سونداي- اق، مەكتەپتەردەگى تاماقتاندىراتىن جەرلەردە وتكىزۋگە بولمايتىن ازىق- تۇلىكتىڭ ساتىلۋىنا جول بەرمەۋ. كەلەشەكتە پارتيالىقتار ەلوردادا جيناقتاعان تاجىريبەلەرىن وڭىرلىك فيليالدارمەن بولىسەتىن بولادى» ، - دەدى ي. تەرەنچەنكو.