«وتانداستارىمىزدى تارتاتىنداردىڭ دەنى شەتەلدىكتەر. اسىرەسە ينتەرنەت ارقىلى ازاماتتارىمىزبەن بايلانىسا باستاعان. بۇل ناسيحات الەۋمەتتىك جەلىلەردە دە قىزۋ جۇرگىزىلگەن. ولار ءومىردىڭ ءادىل بولاتىنىن، بارلىق ءدىني ەرەجەلەر ساقتالاتىنىن ايتىپ، ادامداردى الداپ وتىرعان»، - دەدى ول قازاقستان رەسپۋبليكاسى سىرتقى ىستەر مينيسترلىگىندە وتكەن باسپا ءسوز ءماسليحاتىندا.
باقىتبەك راحىمبەرديەۆتىڭ ايتۋىنشا، الدانىپ شاقىرىلعان قازاقستاندىقتار سول جەرگە بارعاننان كەيىن شىندىعىندا جاعدايدىڭ مۇلدە باسقا ەكەندىگىنە، ەشقانداي ادىلدىكتىڭ جوقتىعىنا كوز جەتكىزگەن.
«وندا مۇسىلماندار مۇسىلماندارعا قارسى سوعىسىپ جاتىر. ياعني، ءارتۇرلى توپتار ءبىر- بىرىمەن قىرىلىسۋدا. ول جاققا ءبىر بارعاننان كەيىن قايتا شىعۋ مۇمكىن ەمەس دەسە دە بولادى. ويتكەنى، ونداي ارەكەت بايقالعان جاعدايدا ادامدار ءولىم جازاسىنا دەيىن جازالانادى. ءبىزدىڭ ازاماتتاردىڭ قاشپاق بولعانى ءۇشىن ءولىم جازاسىنا كەسىلگەنى تۋرالى مالىمەتتەر بار»، - دەيدى باقىتبەك راحىمبەرديەۆ.
ايتا كەتسەك، كەشە مەملەكەت باسشىسى نۇرسۇلتان نازاربايەۆ سيريادان قازاقستان ازاماتتارىن ەۆاكۋاتسيالاۋ بويىنشا گۋمانيتارلىق وپەراتسياعا بايلانىستى مالىمدەمە جاساعان بولاتىن. مەملەكەت باسشىسى اتاپ وتكەندەي، 6 - قاڭتاردا قۇقىق قورعاۋ ورگاندارى مەن سىرتقى ىستەر مينيسترلىگى جۇرگىزگەن گۋمانيتارلىق شارا ناتيجەسىندە سيريادان قازاقستاننىڭ 47 ازاماتى، سونىڭ ىشىندە 30 بالا ەلگە قايتارىلدى.
ال بۇگىنگى باسپا ءسوز ءماسليحاتىندا ق ر سىرتقى ىستەر ۆيتسە- ءمينيسترى ەرجان اشىقبايەۆ «جۋسان» وپەراتسياسىنان كەيىن دە قاقتىعىس ايماقتارىندا جۇرگەن قازاقستاندىقتاردى وتانىنا قايتارۋ جۇمىسى جالعاساتىنىن ءمالىم ەتكەن ەدى.
اۆتور: ايان بەكەن ۇلى