«بالالار اراسىندا ەڭ كوپ تارالعان اۋرۋلاردىڭ ءبىرى - ءتىس اۋرۋى، اۋىز قۋىسى مەن جاق- بەت اۋرۋلارى. ستاتيستيكالىق دەرەكتەرگە سايكەس، رەسپۋبليكامىزدا بالالار اراسىندا ءتىس جەگىسىنىڭ تارالۋى v قۇرادى، ال ءبىرقاتار اۋىلدىق اۋماقتاردا بۇل كورسەتكىش جەتەدى. دەسە دە، دۇنيەجۇزىلىك دەنساۋلىق ساقتاۋ ۇيىمىنىڭ ۇسىنىمدارى بويىنشا 2020 -جىلعا ءتىس جەگىسىمەن زاقىمدالعان بالالاردىڭ سانى اسپاۋى قاجەت»، - دەدى د. مىڭباي پارلامەنت ءماجىلىسىنىڭ جالپى وتىرىسىندا.
وسى ورايدا، ول جوسپارلى ستوماتولوگيالىق كومەك اقىسىز مەديتسينالىق كومەكتىڭ كەپىلدىك بەرىلگەن كولەمى شەڭبەرىندە جۇرگىزىلىپ جاتقانىن ەسكە سالدى. بۇل تۇرعىدا 18 جاسقا دەيىنگى بالالار قامتىلعان. جىل سايىن مەملەكەتتىك جانە جەكەمەنشىك اۋرۋحانالارعا قاراجات بولىنەدى، الايدا جىلدان جىلعا ستاتيستيكا جاقسارماي كەلەدى.
«ستوماتولوگيالىق قىزمەتكە ستوماتولوگتاردىڭ ءبىرىڭعاي قازاقستاندىق اسسوتسياتسياسى جۇرگىزگەن تالداۋ ونىڭ كەمشىن تۇستارىن ايعاقتادى، ونىڭ ەڭ ورەسكەلىن ايتار بولساق، بۇگىندە بالالاردىڭ ءتىس جانە اۋىز قۋىسىنىڭ ءجاي- كۇيىنە ديناميكالىق باقىلاۋ جوق. تاعى ءبىر ماڭىزدى ماسەلە - مەملەكەتتىك ستوماتولوگيالىق بالالار ەمحانالارىنىڭ جەكەشەلەندىرىلۋى. ەلىمىزدە 2812 ستوماتولوگيالىق ۇيىم بار، ولاردىڭ 1 121 مەملەكەتتىك مەنشىك نىسانىندا، سونىڭ ىشىندە 12 مەملەكەتتىك مامانداندىرىلعان وبلىستىق بالالار ەمحاناسى عانا بار»، - دەدى دەپۋتات.
ونىڭ سوزىنشە، بالالار ستوماتولوگياسىنان ايىرىلساق - كەزىندە پەدياتريانى قىسقارتىپ تاستاعاندىعىداي جاعدايعا دۋشار بولامىز.
«بالالار ستوماتولوگياسىنىڭ ءبىرقاتار ەرەكشەلىكتەرى بار، وعان ماماندانۋ قاجەت نەمەسە ەرەسەكتەردى ەمدەيتىن كەز كەلگەن دارىگەر بالالاردى ەمدەي المايدى. بۇرىنعى كەزدە بالالاردى بالاباقشالاردا، جاسوسپىرىمدەردى مەكتەپتەردە، ستۋدەنت جاستاردى كوللەدجدەر مەن ينستيتۋتتاردا تۇراقتى تۇردە باقىلايتىن. قازىر ستوماتولوگيالىق كابينەتتەر تەك وقۋشىلار سانى 800-دەن اساتىن مەكتەپتەردە عانا بار. بۇل ەلىمىزدەگى بارلىق مەكتەپ وقۋشىلارىنىڭ ۇشتەن ءبىر بولىگىن عانا قامتيدى. ونىڭ ۇستىنە، قازىر مەكتەپتەردە جۇمىس ىستەپ تۇرعان ستوماتولوگيالىق كابينەتتەردىڭ وزدەرىن قۇرال- جابدىقتارمەن قامتاماسىز ەتۋ پروبلەمالارى بار، ماماندار مەن دارىگەرلەر جەتىسپەيدى. مىسالى، كەيبىر دەرەكتەرگە سەنسەك، استاناداعى تەك 6 مەكتەپتە عانا ستوماتولوگيالىق كابينەتتەر تولىق كولەمدە جۇمىس ىستەپ جاتىر. ال سوندا باسقالارىن، ولاردىڭ ىشىندە الىس اۋداندارداعى، اۋىلدارداعى مەكتەپتەر مەن مەكتەپالدى مەكەمەلەردى قايتپەكپىز؟ »، - دەدى ول.
وسى ورايدا دارحان مىڭباي جوعارىدا باياندالعانعا بايلانىستى ءتيىستى ۇسىنىستاردى قاراستىرۋدى سۇرادى.
وسى ورايدا مەكتەپتەردى، مەكتەپ الدى مەكەمەلەردى ستوماتولوگيالىق تولىققاندى قىزمەتپەن تەگىس قامتاماسىز ەتۋ ءۇشىن زاماناۋي جىلجىمالى ستوماتولوگيالىق كابينەتتەردى ەندىرۋ جونىندە باعدارلاما ازىرلەۋ ۇسىنىسى جاسالدى. سونىمەن قاتار ستوماتولوگتىڭ بالالار مەن جاسوسپىرىمدەردى باقىلاۋىنىڭ ديسپانسەرلىك ءادىسىن قالپىنا كەلتىرۋ قاجەتتىگى ايتىلدى.