ولار ءبىراۋىزدان قىلمىسكەرلەر تيەسىلى جازانى تارتۋى كەرەك دەپ وتىر. سونىمەن قاتار، Facebook جەلىسىندە ارميان دياسپوراسىنىڭ وكىلدەرى قازاق حالقىنا قيىن جىلدارى قولداۋ كورسەتىپ، جاقسىلىق تانىتقانى ءۇشىن العىس ايتتى، دەپ جازادى Stan.kz اقپاراتتىق اگەنتتىگى.
«قۇرمەتتى قاراعاندىلىقتار! ءبىز، قاراعاندى وبلىسىنىڭ ارميان دياسپوراسى، 1 -قاڭتار كۇنى كىسىنىڭ ولىمىنە الىپ كەلگەن، جاستاردىڭ اراسىندا ورىن العان ينسيدەنتكە قاتتى وكىنەمىز. وكىنىشكە وراي، بۇل ينسيدەنتكە ارميان ۇلتىنىڭ وكىلدەرى قاتىستى.
ءبىز وكىنەمىز، قايتىس بولعان بالانىڭ جانۇياسىنا جانە جاقىندارىنان كەشىرىم سۇرايمىز.
ءبىز كىنالىلەردى سوگەمىز، ۇلتقا قاراماستان قىلمىسكەرلەر جازاسىن تارتۋى كەرەكتىگىن مالىمدەيمىز.
كوپ ۇلتتى قازاقستان ءبىزدىڭ تۋىپ وسكەن ۇيىمىزگە اينالدى. ءبىز كۇللى قازاق حالقىنا قيىن جىلدارى قولداۋ كورسەتىپ، جاقسىلىق تانىتقانى ءۇشىن العىس ايتامىز.
ءبىزدىڭ باۋىر ۇلتتارىمىز ءاردايىم بەيبىتشىلىكتە جانە دوستىقتا ءومىر سۇرەتىن بولادى»، - دەپ جازىلعان جازبادا.
قاراعاندىدا 200-دەن استام ادام ءى ءى د- نىڭ الدىنا جينالدى: جينالعاندارعا اكىم شىقتى.