سەبەبى بۇگىنگى تاڭدا تازالىق سالدارىنان بالالاردىڭ يممۋندىق جۇيەسى ناشارلاعان. ءوز كەزەگىندە ول اققان دەرتىنە الىپ كەلەدى ەكەن. بۇل تۋرالى VistaNews.ru باسىلىمى حابارلايدى.
تاياۋدا لوندونداعى قاتەرلى ىسىكتى زەرتتەۋ ينستيتۋتىنىڭ پروفەسسورى مەل گريۆز مالىمدەمە جاسادى. ول اققان دەرتىن ءومىر بويى زەرتتەپ، تاياۋدا قاتەرلى ىسىكتىڭ اتالعان ءتۇرىنىڭ پايدا بولۋ سەبەبىن انىقتاعان.
بالالاردىڭ بويىنداعى اققان دەرتىن 30 جىل بويى زەرتتەگەن گريۆز اققانمەن كۇرەسەتىن ارنايى سۋسىن دايىندادى. زاماناۋي دارىلەردى ۇزاق ۋاقىت قابىلداۋ ءتۇرلى جاناما اسەردىڭ پايدا بولۋىنا الىپ كەلەدى. ال ەۋروپادا جىل سايىن ناۋقاس بالالاردىڭ سانى 1 پايىزعا ارتۋدا.
اققان دەرتى نارەستە اناسىنىڭ قۇرساعىندا جاتقان كەزدە پايدا بولاتىن مۋتاتسيا سالدارىنان تۋىندايدى. مۇنداي بالا مىندەتتى تۇردە قاتەرلى دەرتكە شالدىقپايدى. مۋتاتسيا تەك قاتەرلى ىسىككە شالدىعۋ قاتەرىن ارتتىرادى. اۋرۋدىڭ ەرتە جاستا پايدا بولۋىنىڭ سەبەبى - يممۋندىق جۇيەنىڭ جۇمىسىنىڭ ناشارلىعى.
عالىمنىڭ سوزىنشە، بۇگىندە اتا- انالار ءۇشىن انتيسەپتيكالىق مايلىقتار، زالالسىزداندىراتىن قۇرالدار مەن باكتەرياعا قارسى سابىنداردى قولدانۋ قالىپتى جاعدايعا اينالعان. شەكتەن تىس تازالىق پەن زارارسىزدىق بالانىڭ يممۋندىق جۇيەسىنىڭ دۇرىس دامۋىنا مۇمكىندىك بەرمەي، قاتەرلى ىسىكتىڭ پايدا بولۋ قاتەرىن ارتتىرادى.
سونىمەن قاتار اتا- انالار بالالاردىڭ قوعاممەن مەن ميكروبتارمەن قارىم- قاتىناسىن شەكتەيدى. ناتيجەسىندە بالانىڭ ورگانيزمى ينفەكتسيامەن كەزىككەن كەزدە، سوزىلمالى قابىنۋ تۋىنداپ، تسيتكوين دەپ اتالاتىن حيميالىق زاتتاردى قانعا ءبولىپ شىعارادى.
ءدال وسى تسيتكويندەر اققان دەرتىنىڭ دامۋىنا اكەپ سوعادى.
قاتەرلى ىسىك بالالاردىڭ بويىندا تۋا ءبىتتى مۋتاتسيا، مۇنان كەيىن يممۋنيتەت كۇرەسە المايتىن ينفەكتسيا سالدارىنان پايدا بولادى.
ناتيجەسىنە گريۆز قۇرامىندا ميكروبتار مەن باكتەريالاردىڭ بارلىق ءتۇرى بار سۋسىن دايىنداۋ تۋرالى شەشىم قابىلداعان. عالىمنىڭ سوزىنشە، مۇنداي سۋسىن اققان دەرتىنە شالدىققان بالالار سانىن ازايتۋى ءتيىس.
Stan.kz