تۇركىستان وبلىسىندا العاش رەت زايتۇن اعاشى وسىرىلمەكشى

 ولار جەتىساي جەرى ءزايتۇن اعاشىن وتىرعىزۋعا ەڭ قولايلى ايماق ەكەنىن ايتىپ وتىر. اۋدان اكىمى جامانتاي بەيسەنبايەۆتىڭ ايتۋىنشا، جەرگىلىكتى حالىق تەك ماقتا شارۋاشىلىعىمەن عانا شەكتەلمەي، بولاشاقتا ءزايتۇن مەن تاعى باسقا داقىلداردى ەگۋمەن اينالىسۋى كەرەك.



جالپى ءزايتۇن اعاشى سۋبتروپيكالىق ايماقتاردا وسەدى. كورشى وزبەكستاننىڭ جىزاق وبلىسى دا ونى ەگىپ، مول ءونىم الۋدا. اۋىل شارۋاشىلىعى سالاسىنىڭ ماماندارى جىزاق پەن جەتىسايدىڭ اراسى جاقىن ەكەنىن ايتادى. مايلى داقىلدىڭ جاڭا ەگىلگەن جاس كوشەتى 5-6 جىلدا جەمىس بەرەدى. ءبىر تۇپتەن جىلىنا 20-40 ك گ دەيىن ءونىم الۋعا بولادى. جانە باسقا جەمىس اعاشتارىنا قاراعاندا ۇزاق جاسايدى، ءارى 150-200 جىلعا دەيىن ءونىم بەرەدى. ءزايتۇن قۇرامىنىڭ 50-دەن 75 پايىزعا دەيىنى ماي بولادى.

«ەگەر جوبا ءساتتى جۇزەگە اسسا، بولاشاقتا ءوزىمىز ەگۋدى قولعا الامىز»، - دەيدى جەرگىلىكتى باسشىلار.

 جامانتاي بەيسەنبايەۆ، جەتىساي اۋدانىنىڭ اكىمى:

 - وتكەن ايدا ءبىز ولاردى تاعى دا شاقىرىپ، ەكى جەردى ۇسىندىق. ءبىرى 40، ەكىنشىسى 30 گەكتار جەر بەردىك. كوكتەمدە كەلىپ ەگەدى. ەگەر ونىمدەرى جاقسى بولاتىن بولسا، كەلەشەكتە ونىڭ كولەمىن ارتتىرىپ، شاعىن سەحتار مەن زاۋىت سالىپ، زايتۇننەن ءتۇرلى ءونىم شىعارۋعا تولىق مۇمكىندىك بار.

www.24.kz