«2018 -جىلى 3 مىڭ كۆوتا ءبولىندى. بارلىق كۆوتا بويىنشا قازاقستاندىقتار قاجىلىققا بارىپ كەلدى. ايتا كەتەرلىگى، قاجىلىققا اتتاناتىندار جول شىعىنىن وزدەرى كوتەرەدى»، - دەلىنگەن ق ر قوعامدىق دامۋ مينيسترلىگى قوعامدىق كەلىسىم كوميتەتىنىڭ حابارلاماسىندا.
ەلىمىز ازاماتتارىنىڭ قاجىلىققا ساپارىن قازاقستان مۇسىلماندارى ءدىني باسقارماسى ۇيىمداستىرادى. بۇل زايىرلى مەملەكەتتىك قۇرىلىمنىڭ قاعيداتتارىنا ساي كەلەدى. سەبەبى، زاڭناماعا سايكەس، مەملەكەت ءدىني جورالعىلارعا ارالاسپايدى.
جىل سايىن قازاقستان مۇسىلماندارى ءدىني باسقارماسى ساۋد ارابياسى كورولدىگىنىڭ قاجىلىق ىستەرى بويىنشا مينيسترلىگىمەن كەلىسىم (ماقسات- نيەت تۋرالى حاتتاما) جاساسادى. وندا ساۋد ارابياسى تاراپىنىڭ تالاپتارى، سونىڭ ىشىندە قاجىلىققا ءبولىنۋى مۇمكىن كۆوتالار سانى، قاجىلىقتى وتەۋ تارتىپتەرى كورسەتىلەدى.
2019 -جىلدىڭ 27 -قاڭتارىندا ساۋد ارابياسى كورولدىگىنىڭ قاجىلىق ىستەرى بويىنشا مينيسترلىگىنىڭ شاقىرۋىمەن قازاقستاندىق دەلەگاتسيا رەسمي ساپارمەن ساۋد ارابياسىنا بارىپ قايتادى. وندا قاجىلىقتى وتەۋ مەن كۆوتانى ءبولۋ بويىنشا ۇيىمداستىرۋشىلىق جۇمىستار تالقىلانادى.
اۆتورى كاميلا ءامىروۆا