دوڭىز جىل ساناۋىنىڭ جانە جىل قايىرۋدىڭ سوڭعى جىلى. كەيبىر تۇركى ەلدەرى، سونداي- اق قازاقستاننىڭ كەيبىر جەرلەرى، مۇنى «قارا كيىك جىلى» دەپ تە اتاي بەرەدى (م. ىسقاقوۆ).
قازاق «دوڭىز» دەپ كادىمگى شوشقانى ايتادى. ونىڭ جىل اتاۋىنا كىرۋىنىڭ ءوزى جىل ساناۋدىڭ يسلامنان دا بۇرىن ەنگەنىنىڭ تولىق دالەلى بولسا كەرەك. بۇل جىلدى حالىق پالە- جالا كوپ بولادى دەپ جاقسى اتاماسا دا، كوبىنە ول تاريحقا جايلى، تىنىشتىق جىلى بولىپ كەلگەن.
دوڭىز وتە ەڭبەكقور، تاباندى ءارى وجەت جانۋار رەتىندە سيپاتتالادى. بۇل ىلگەرى باسۋ جىلى بولادى دەپ سەنىمدى تۇردە ايتا الامىز.
جاڭا 2019 -جىل بىرەۋلەر ءۇشىن كاسىپ اشىپ، ونى دامىتۋدا جەمىستى بولماق، ال ەندى بىرەۋگە جۇمىسىن اۋىستىرۋعا مۇمكىندىك بەرەدى.
وتكەن جىلدىڭ قامقورشىسى ءيت سەكىلدى دوڭىز دا سالماقتى، دەمەك، بۇل جىل دا تىنىش ءارى ءبىر قالىپتى وتەدى دەۋگە نەگىز بار. دوڭىز جىلىندا كەلىسپەۋشىلىك پەن ۇرىس- كەرىس از بولادى.