قازاقستاننىڭ ۇزدىك كىتاپحاناسى انىقتالدى
11:09, 21 - قىركۇيەك 2018
وسكەمەن. قازاقپارات - ا. س. پۋشكين اتىنداعى شىعىس قازاقستان وبلىستىق كىتاپحاناسى ەلدىڭ كىتاپحاناشىلارىنىڭ سەزىندە «چيتايۋشي رەگيون» - «وقىرمانى وزىق ولكە» بايقاۋىنىڭ جەڭىمپازى نوميناتسياسىن جەڭىپ الدى، دەپ حابارلايدى قازاقپارات ءتىلشىسى.
مەكەمەدەن ءمالىم ەتكەندەي، «كىتاپحانا قوعامنىڭ كوپ فۋنكتسيونالدى، كوپ دەڭگەيلى الەۋمەتتىك-مادەني ينستيتۋتى ىسپەتتەس» اتاۋىنداعى كىتاپحاناشىلاردىڭ جالپى قازاقستاندىق سەزى استانانىڭ 20 جىلدىعىن تويلاۋ اياسىندا قازاقستان رەسپۋبليكاسىنىڭ ۇلتتىق كىتاپحاناسىندا ءوتتى.
سەزگە 200 كىتاپحاناشى قاتىستى. ولاردىڭ 184 ءى - قازاقستاندىق دەلەگاتتار، ال قالعان 16 قاتىسۋشى - ا ق ش، تۇركيا، بەلارۋس، وزبەكستان، تاجىكستان، قىرعىزستان جانە ت. ب. ەلدەردەن كەلگەن ماماندار.