اتاپ ايتقاندا، Astana Art Show زاماناۋي قازاقستاننىڭ بەينەلەۋ ونەرى حالىقارالىق بيەننالەسىنىڭ نەگىزگى شاراسى بولىپ وتىر جانە ونىڭ اياسىندا 15- قىركۇيەك پەن 28- قازان ارالىعىندا ءۇش كورمە وتەدى. بۇل كورمەلەر وسىنداي فورماتتا العاش رەت ۇيىمداستىرىلۋدا.
Astana Art Show كۋراتورى دينا بايتاسوۆانىڭ سوزىنە قاراعاندا، بۇل اۋقىمدى جوباعا دايىندىق شارالارى جارتى جىل بويى جۇرگىزىلدى. سوڭعى ەكى اپتادا استاناعا الەم ەلدەرىنەن 50 گە جۋىق سۋرەتشى جينالىپ جاتىر. اتالعان ءۇش كورمەنىڭ ءبىرىنشىسى، ياعني «Metamorphosis» تاقىرىبىمەن ۇسىنىلعان بۇل شارا 15- قىركۇيەكتە اشىلادى. جوبا قاتىسۋشىلارى رەتىندە شەتەلدە ەسىمدەرى تانىمال بولعان قازاقستاندىق جاس سۋرەتشىلەر قامتىلعان. 21 سۋرەتشى حالىقارالىق ءىرى كورمەلەرگە قاتىسقان جانە شوۋعا ارنايى دايىندالعان ەڭبەكتەرىن ۇسىنادى.
«وسىندا شاقىرىلعان سۋرەتشىلەردىڭ كوبى شەتەلدە تۇرىپ جاتىر. ولار شەت مەملەكەتتەردە وزدەرىنىڭ جۇمىستارىن تابىستى ىسكە اسىرىپ جاتقان قانداستارىمىز. اتاپ ايتقاندا، بۇل دارىندى ادامداردىڭ ەڭبەكتەرى الەم ەلدەرىندە سۇرانىسقا يە»، - دەدى د. بايتاسوۆا.
سۋرەتتەر مەن ينستاللياتسيالاردى كەلۋشىلەر TSE Art Destination گالەرەياسىندا جانە ونىڭ اينالاسىندا تاماشالاي الادى.
بۇدان بولەك، ءبىر اپتادان كەيىن ورتالىق ازيا ەلدەرى مەن قازاقستاننىڭ 16 جاس سۋرەتشىسىنىڭ شىعارماشىلىعىنا ارنالعان «قايتا جۇكتەۋ. كەڭىستىكتى وڭتايلاندىرۋ» اتتى ەكىنشى كورمە وتەدى.
سونىمەن قاتار، ەۋروپالىق وداقتىڭ ۇيىمداستىرۋىمەن «The Ghost Expedition» اتتى ءۇشىنشى كورمە اشىلادى. جوبا اياسىندا قازاقستاندىق جانە ەۋروپالىق سۋرەتشىلەر توبى ماڭعىستاۋ وبلىسىنىڭ كيەلى ورىندارىن زەرتتەۋ بارىسىندا كوركەم جۇمىستارىنىڭ ناتيجەلەرىن ۇسىنادى.