جۇما كۇنى ەلىمىزدىڭ باسىم بولىگىندە جاڭبىر جاۋادى

سينوپتيكتەردىڭ بولجاۋىنشا، ەلىمىزدىڭ باتىسىندا جاۋىن-شاشىنسىز اۋا رايى كۇتىلەدى.

اقمولا، سولتۇستىك قازاقستان، پاۆلودار، قاراعاندى وبلىستارىنىڭ كەي جەرلەرىندە جەل جىلدامدىعى 15-20 م/س جەتەدى، كۇندىز داۋىل سوعىپ، بۇرشاق ءتۇسۋى مۇمكىن، تۇندە تۇمان كۇتىلەدى.

الماتى، اقتوبە وبلىستارىنىڭ، كۇندىز قوستاناي، قىزىلوردا وبلىستارىنىڭ كەي جەرلەرىندە جەلدىڭ ەكپىنى 15-23 م/س جەتەدى، قوستاناي وبلىسىنىڭ كەي جەرلەرىندە تۇندە تۇمان كۇتىلەدى.

جامبىل، شىعىس قازاقستان، قاراعاندى وبلىستارىنىڭ كەي جەرلەرىندە جەل 15-20 م/س ۇدەيدى، داۋىل تۇرىپ، بۇرشاق جاۋۋى ىقتيمال، سونداي-اق قاراعاندى وبلىسىنىڭ كەي جەرلەرىندە تۇندە جانە تاڭەرتەڭ تۇمان كۇتىلەدى.

كۇندىز ماڭعىستاۋ، اتىراۋ، باتىس قازاقستان وبلىستارىندا قاتتى ىستىق ساقتالادى، ماڭعىستاۋ، اتىراۋ وبلىستارىنىڭ كەي جەرلەرىندە وتە قاتتى اپتاپ ىستىق بولادى.

ماڭعىستاۋ، اتىراۋ، قىزىلوردا وبلىستارىندا، باتىس قازاقستان، اقتوبە، وڭتۇستىك قازاقستان، شىعىس قازاقستان، قاراعاندى، جامبىل وبلىستارىنىڭ كەي جەرلەرىندە وتە جوعارى ءورت قاۋىپى ساقتالادى.